மில்வின்யில் சிக்னல் பிரச்சினை: நீண்ட நேரம் காத்திருக்கும் ஓட்டுநர்கள் அதிருப்தி

சுவிட்சர்லாந்தின் நொஷாத்தல் கன்டோனில் உள்ள Milvignes பகுதியில் முக்கியமான ஒரு சாலை சந்திப்பில் போக்குவரத்து சிக்னல் நீண்ட நேரம் சிவப்பு நிலையில் இருக்கும் காரணத்தால் ஓட்டுநர்கள் அதிருப்தி தெரிவித்து வருகின்றனர்.

சில நேரங்களில் சிவப்பு சிக்னல் 5 நிமிடங்கள் வரை மாறாமல் நீடிப்பதாக வாகன ஓட்டுநர்கள் கூறுகின்றனர். இதனால் நீண்ட வரிசை வாகனங்கள் காத்திருக்க வேண்டிய நிலை உருவாகியுள்ளது. இதைத் தீர்க்க, முன்பு சாலைப் பணிகள் நடைபெற்ற காலத்தில் பயன்படுத்தப்பட்ட மின்மினக்கும் மஞ்சள் விளக்க முறையை மீண்டும் அறிமுகப்படுத்த வேண்டும் என சிலர் கோரிக்கை விடுத்துள்ளனர்.

ஆனால், உள்ளூர் அதிகாரிகள் இதற்கு ஒப்புதல் அளிக்கவில்லை. குறிப்பாக சைக்கிள் பயணிகளின் பாதுகாப்பை கருத்தில் கொண்டு அந்த முறை பயன்படுத்த முடியாது என அவர்கள் விளக்கமளித்துள்ளனர்.

இந்த தாமதங்களுக்கு முக்கிய காரணமாக, அந்த சாலைப் பகுதியில் டிராம் போக்குவரத்துக்கு முன்னுரிமை வழங்கப்படுவது குறிப்பிடப்படுகிறது. அதனால் வாகனங்கள் கூடுதல் நேரம் காத்திருக்க வேண்டிய நிலை ஏற்படுகிறது.

மேலும், போக்குவரத்து சிக்னலில் அதிகபட்ச காத்திருப்பு நேரம் குறித்து எந்த சட்ட விதிமுறையும் இல்லை என அதிகாரிகள் தெரிவித்துள்ளனர். தற்போதைய அமைப்பு பாதுகாப்பு தரப்பில் சிறந்ததாகவே இருப்பதாகவும் அவர்கள் வலியுறுத்துகின்றனர்.

இதனால், பாதுகாப்பு மற்றும் போக்குவரத்து வசதி ஆகியவற்றுக்கிடையில் சமநிலை பேணுவது குறித்து விவாதம் தொடர்ந்துவருகிறது.