சூரிச் கன்டோனில் கத்திக்குத்து தாக்குதல்: இளைஞர் கடுமையாக காயம்

Swiss Local News
Zurich

1 hour ago

Janarthan

சூரிச் கன்டோனில் கத்திக்குத்து தாக்குதல்: இளைஞர் கடுமையாக காயம்

சுவிட்சர்லாந்தின் Embrach பகுதியில் திங்கட்கிழமை மாலை ஏற்பட்ட சண்டையில் 20 வயதுடைய இளைஞர் ஒருவர் கத்திக்குத்து தாக்குதலில் கடுமையாக காயமடைந்துள்ளார். இந்த சம்பவத்திற்குப் பிறகு Kantonspolizei Zürich ஆறு பேரை கைது செய்துள்ளது.

இரவு 22 மணிக்கு முன்பாக, Embrach பகுதியில் உள்ள கூட்டாட்சி அகதி மையத்தில் அவசர மருத்துவ சேவைக்கு அழைப்பு விடுக்கப்பட்டது. சம்பவ இடத்திற்கு வந்த மீட்பு குழுவினர், கினி நாட்டைச் சேர்ந்த 20 வயது இளைஞர் ஒருவரை கால்கள் மற்றும் முதுகுப் பகுதியில் கத்திக்குத்து காயங்களுடன் கண்டனர்.

கடுமையாக காயமடைந்த அவர் உடனடியாக மருத்துவமனைக்கு கொண்டு செல்லப்பட்டார். இதனைத் தொடர்ந்து போலீசார் பலரை விசாரணைக்காக கைது செய்தனர்.

ஆரம்ப விசாரணைகளின் படி, Hardhofstrasse பகுதியில் ஏற்பட்ட சண்டையின் போது மூவர் இணைந்து அந்த இளைஞரை தாக்கியதாக கூறப்படுகிறது. தாக்குதலில் கத்தி மற்றும் கடின பொருள் பயன்படுத்தப்பட்டதாகவும் போலீசார் தெரிவித்துள்ளனர்.

இந்த வழக்கில் முக்கிய சந்தேகநபர்களாக கருதப்படும் 25 மற்றும் 33 வயதுடைய துனீசியர்கள் இருவரும், 40 வயதுடைய அல்ஜீரியர் ஒருவரும் சூரிச்ச் கன்டோனின் அரசுத் தரப்பு வழக்கறிஞரிடம் ஒப்படைக்கப்பட்டுள்ளனர்.

இந்த சம்பவம் குறித்து மேலதிக விசாரணைகள் தொடர்ந்து நடைபெற்று வருகின்றன.