சூரிச் ஏரியில் கைபேசி தவறவிடுபவர்களுக்கு போலீசார் விடுத்த அறிவித்தல்

Swiss Local News
Zurich

8 months ago

Janarthan

சூரிச் ஏரியில் கைபேசி தவறவிடுபவர்களுக்கு போலீசார் விடுத்த அறிவித்தல்

சுவிட்சர்லாந்தின் சூரிச் ஏரியில் கைபேசியை தவறவிட்டால், அதை மீட்டுத் தரும் சிறப்பு சேவையை காவல்துறை வழங்குகிறது – ஆனால் அதற்கு ஒரு கட்டணம் விதிக்கப்படும்.

கடந்த சனிக்கிழமை நடந்த சம்பவம் இதை மீண்டும் உறுதிப்படுத்தியது. ஒரு இளம்பெண் தனது கைபேசியை ஏரிக்குள் தவறவிட்டுவிட்டார். உடனே அவர் காவல்துறையிடம் தொடர்பு கொண்டார். சைரன்களும் விளக்குகளும் பொருத்தப்பட்ட காவல் படகு சம்பவ இடத்துக்குச் சென்றது. பின்னர், ஒரு அதிகாரி நீராடும் உடை (wet suit) அணிந்து ஆழத்தில் மூழ்கி, கைபேசியை மீட்டெடுத்து வந்தார்.

இந்த சேவைக்கான செலவு 135.25 சுவிஸ் பிராங்க் (CHF) என தெரிவிக்கப்பட்டது. சூரிச் காவல்துறையின் தகவலின்படி, தினமும் சராசரியாக இரண்டு கைபேசிகள் ஏரியில் விழுகின்றன; அவற்றை மக்கள் வேண்டுகோளின் பேரில் அவர்கள் மீட்டுத் தருகின்றனர்.

காவல்துறை, “இது அவசரத் தேவைக்கான சேவை, ஆனால் செலவுக்கான பொறுப்பு பொதுமக்களுக்கே உண்டு” என்று வலியுறுத்தியுள்ளது.