சென்ட்கேலன் கன்டோனில் நெடுஞ்சாலை பணிகள் தொடர்பான அறிவிப்பு

சுவிட்சர்லாந்தின் கூட்டாட்சி சாலைகள் அலுவலகமான ஆஸ்ட்ரா, சென்ட்கேலன்- உஸ்வில் முதல் சென்ட்கேலன் – ரைனெக் வரையிலான நெடுஞ்சாலைப் பகுதியில் மாறும் வேக ஒழுங்குமுறை அமைப்பை அமைப்பதற்காக வரும் திங்கட்கிழமை ஆகஸ்ட் 11 முதல் மெகன்ஹஸ் சந்திப்பில் கட்டுமானப் பணிகளைத் தொடங்குகிறது. வாகன நெரிசல் அதிகமாக இருக்கும்போது, இந்தப் பகுதியில் அனுமதிக்கப்பட்ட அதிகபட்ச வேகம் மணிக்கு 100 அல்லது 80 கிலோமீட்டராகக் குறைக்கப்படும்.

இந்த அமைப்பை நிறுவுவதற்கு முக்கியமாக புதிய சிக்னல் கம்பங்கள் தேவைப்படுவதாக ஆஸ்ட்ரா வியாழக்கிழமை வெளியிட்ட அறிக்கையில் தெரிவித்தது. மேலும், புதிய மின்சார இணைப்பு கம்பிகளையும் அமைக்க வேண்டியிருக்கும்.

முதல் கட்ட கட்டுமானப் பணிகள் ஆகஸ்ட் 11 அன்று மெகன்ஹஸ் சந்திப்பு முதல் செயின்ட் காலன்-நியூடார்ஃப் இணைப்பு வரையிலான பகுதியில் தொடங்கும். இதனால் சிறிய அளவிலான போக்குவரத்து கட்டுப்பாடுகள் ஏற்படலாம் என எதிர்பார்க்கப்படுகிறது.

2026 இலையுதிர் வரை கட்டுமானப் பணிகள்

2026 ஆம் ஆண்டு வசந்த காலம் முதல், உஸ்வில் முதல் வின்கெல்ன், மெகன்ஹஸ் முதல் ரைனெக், மற்றும் மெகன்ஹஸ் முதல் ரோர்ஷாக் வரையிலான பகுதிகளில் பணிகள் படிப்படியாகத் தொடரும். இந்தப் பணிகள் 2026 இலையுதிர் காலத்தில் முடிவடையும் என எதிர்பார்க்கப்படுகிறது. மாறும் வேக ஒழுங்குமுறை அமைப்பு 2030 ஆம் ஆண்டு முதல் முழுமையாக செயல்படத் தொடங்கும்.

இந்த புதிய போக்குவரத்து மேலாண்மை அமைப்பு, வாகனங்களின் அடர்த்தியைக் கண்காணிக்கும். வாகன நெரிசல் அதிகமாக இருக்கும்போது, அனுமதிக்கப்பட்ட அதிகபட்ச வேகம் குறைக்கப்படும். இதனால், வாகனங்களுக்கு இடையேயான வேக வேறுபாடுகள் குறைக்கப்பட்டு, போக்குவரத்து மிகவும் ஒழுங்கமைக்கப்பட்டு, மேம்படுத்தப்படும் என ஆஸ்ட்ரா தெரிவித்துள்ளது.

வேக ஒழுங்கமைப்பு மற்றும் ஆபத்து எச்சரிக்கை அமைப்பு

இந்த நடவடிக்கை பாதுகாப்பை மேம்படுத்துவதோடு, போக்குவரத்து நெரிசலைக் குறைக்கவும் உதவும். இந்த தொழில்நுட்பம் “வேக ஒழுங்கமைப்பு மற்றும் ஆபத்து எச்சரிக்கை அமைப்பு” என அழைக்கப்படுகிறது. இது ஏற்கனவே சூரிச் வொல்லிஷோஃபென் முதல் பாஃபிகான்  மற்றும் வின்டர்தூர் ஓரிங்கன் முதல் ஓபர்வின்டர்தூர் வரையிலான பல நெரிசல்மிக்க நெடுஞ்சாலைப் பகுதிகளில் செயல்பாட்டில் உள்ளளமையும் குறிப்பிடத்தக்கது.

@Nau