சுவிஸ் துப்பாக்கி குண்டு தயாரிப்பாளர்கள் ஏற்றுமதி சட்டங்களால் நெருக்கடியில்

சுவிஸின் கடுமையான ஆயுத ஏற்றுமதி சட்டங்கள் தற்போது நாட்டின் குண்டு மற்றும் ஆயுத உற்பத்தி நிறுவனங்களை பெரும் சவாலுக்கு உள்ளாக்கியுள்ளன. சோலோதுர்ன் மாநிலத்தைச் சேர்ந்த “சால்டெக்” (Saltech) நிறுவனம் தனது உற்பத்தியின் ஒரு பகுதியை ஹங்கேரிக்குத் மாற்ற முடிவு செய்துள்ளது. இது, வெளிநாட்டு விற்பனைக்கு விதிக்கப்பட்ட கட்டுப்பாடுகளை விலக்கி கடந்து செல்லும் முயற்சியாக பார்க்கப்படுகிறது.

சால்டெக் நிறுவனம் தயாரிக்கும் 12.7 மில்லிமீட்டர் அளவிலான கனரக துப்பாக்கி குண்டுகள் சுவிஸ் இராணுவத்திலும் பயன்படுகின்றன. உற்பத்தி மாற்ற முடிவு சுவிஸ் பாதுகாப்பு தொழில் துறையில் நிலவும் பரவலான பிரச்சனைகளை வெளிச்சம் போட்டு காட்டுகிறது.

இதேநேரத்தில், “சுவிஸ் P டிபென்ஸ்” (Swiss P Defence) நிறுவனத்தில் பணியாளர் பணிநீக்கம் மற்றும் நேட்டோ உறுப்புநாடுகளின் குறைந்த தேவை ஆகியவை நாட்டின் ஆயுத தொழில்துறைக்கு புதிய சவாலாக மாறியுள்ளன.

இதன் பின்னணியில், சில அரசியல் வட்டாரங்கள் சுவிஸ் ஏற்றுமதி சட்டங்களை தளர்த்தி, நெருக்கடியில் உள்ள பாதுகாப்பு நிறுவனங்களுக்கு நிவாரணம் அளிக்க வேண்டும் என வலியுறுத்துகின்றன. ஆனால் கூட்டாட்சி அரசு அதில் தயக்கமாக உள்ளது.

சுவிஸ் அரசின் தற்போதைய கொள்கை, ஆயுத ஏற்றுமதியில் கடுமையான நெறிமுறைகளை கடைப்பிடிப்பதே. குறிப்பாக, மோதல் நிலைமையிலுள்ள நாடுகளுக்கு சுவிஸ் தயாரிப்பு ஆயுதங்கள் செல்லக்கூடாது என்ற நோக்கில் இந்தக் கட்டுப்பாடுகள் அமல்படுத்தப்பட்டுள்ளன. எனினும், தொழில்துறையினரின் கருத்துப்படி, இதனால் சுவிஸ் ஆயுதத் தொழில் சர்வதேச போட்டியில் பின்தங்குகிறது.

சுவிஸின் பொருளாதாரத்தில் பாதுகாப்பு உற்பத்தி துறை முக்கிய பங்காற்றி வந்தாலும், தற்போதைய கட்டுப்பாடுகள் அந்த துறையின் வளர்ச்சியை பாதிக்கக்கூடும் என்ற அச்சம் அதிகரித்துள்ளது. தொழில் வட்டாரங்கள் எதிர்வரும் மாதங்களில் அரசு இந்த கொள்கையில் ஏதேனும் தளர்வு அளிக்குமா என்ற நம்பிக்கையில் காத்திருக்கின்றன.

© WRS