Vevey நகரில் கண்காணிப்பு கேமராக்கள் திட்டம் மக்கள் வாக்கெடுப்பில் தோல்வி

சுவிஸின் வாட் (Vaud) மாநிலத்தில் உள்ள வேவே (Vevey) நகரில், பாதுகாப்புக்காக பொதுவிடங்களில் கண்காணிப்பு கேமராக்களை நிறுவும் திட்டம், மக்கள் வாக்கெடுப்பில் 60.6% வாக்குகளால் நிராகரிக்கப்பட்டது.

மொத்தமாக 3,008 பேர் எதிர்த்து வாக்களிக்க, 1,888 பேர் திட்டத்திற்கு ஆதரவாக வாக்களித்தனர். வாக்குப்பதிவு பங்கேற்பு விகிதம் 36.4% ஆக இருந்தது.

இந்த திட்டம் 2025 ஆம் ஆண்டு ஜனவரியில், நெஸ்லே தலைமையகத்துக்குப் புகழ்பெற்ற வேவே நகரின் நகர சபையால் முன்மொழியப்பட்டது. வேவே, ய்வர்டான் (Yverdon), மற்றும் லௌசான் (Lausanne) ஆகிய நகரங்கள் போதைப்பொருள் கடத்தல் மற்றும் விற்பனையால் அதிகம் பாதிக்கப்பட்டுள்ளன.

இதைத் தடுக்கும் முயற்சியாக, நகர நிர்வாகம் சில திட்டங்களை ஒன்றிணைத்தது:

• பொதுமிடங்களில் வீடியோ கண்காணிப்பு கேமராக்கள் நிறுவல்
• சமூக பணியாளர்களை நியமித்தல்
• சமூக நிலை கண்காணிப்பு மையம் (Social Observatory) அமைத்தல்
• தெரு விளக்குகளை மேம்படுத்தல் போன்றவை இதில் அடங்கும்.

மக்கள் முடிவை தீர்மானிக்க தேர்தல்

இந்த திட்டத்திற்கு நகர மன்றம் மார்ச் மாதம் ஒப்புதல் அளித்தது. ஆனால், தொடர்ந்து பொதுமக்களிடையே கருத்து வேறுபாடுகள் ஏற்பட்டதால், அதிகாரிகள் வாக்கெடுப்பில் மக்கள் தீர்மானிக்க அனுமதிக்கத் தீர்மானித்தனர். எனினும் தற்போது பிரச்சாரத்துக்குப் பிறகு, மக்கள் பெரும்பான்மையாக திட்டத்திற்கு எதிராக வாக்களித்துள்ளனர் என்பது குறிப்பிடத்தக்கது.

Keystone-SDA