ஸ்விட்சர்லாந்தில்புதிய உச்சத்தை எட்டியுள்ள ட்விண்ட் பயன்பாடு

ஸ்மார்ட்போன்களின் மூலம் கடைகளில் பணம் செலுத்தவும், நண்பர்களுக்குள் உடனடி பண பரிமாற்றங்களுக்கும் ட்விண்ட் (Twint) என்ற மொபைல் பேமென்ட் (Payment) செயலி ஸ்விட்சர்லாந்தில் மிக வேகமாகப் பரவி வருகிறது. இந்த ஆண்டின் நடுப்பகுதிக்குள், செயலி 60 லட்சத்துக்கும் (6 மில்லியன்) மேற்பட்ட பயனர்களை பெற்றதாக நிறுவனம் வெளியிட்ட செய்திக்குறிப்பு தெரிவிக்கிறது.

அன்றாட வாழ்க்கையில் மொபைல் கட்டண சேவைகளின் முக்கியத்துவம் அதிகரித்துவருவதை இந்த புதிய சாதனை உறுதிப்படுத்துகிறது. ட்விண்ட் அதிகம் பயன்படுத்தப்படுவது சூப்பர் மார்க்கெட் மற்றும் கடை கவுண்டர்களில் பணம் செலுத்துவதற்காக இருந்தாலும், பொது போக்குவரத்து டிக்கெட் வாங்குதல், கார் நிறுத்தும் கட்டணம் செலுத்துதல் போன்ற வசதிகளுக்கும் இது பெரிதும் பயன்படுகிறது.

பணம் பரிவர்த்தனை சேவை வழங்குநரின் தகவலின்படி, தற்போது ட்விண்ட் ஸ்விட்சர்லாந்தின் 81% நேரடி (offline) கடைகளிலும், 84% ஆன்லைன் கடைகளிலும் ஏற்றுக்கொள்ளப்படுகிறது.

பரிவர்த்தனைகளில் மூன்றில் மூன்று பங்கு (75%) வணிகப் பரிவர்த்தனைகளே ஆகும். அதில் சுமார் 65% பரிவர்த்தனைகள் கடைகளில் நேரடியாக நடைபெறுகின்றன. நான்கில் ஒரு பங்கு பரிவர்த்தனைகள் தனிநபர்களுக்கிடையேயான பண பரிமாற்றங்களாகும்.

ட்விண்ட் ஏஜி (Twint AG) நிறுவனம் 2016 செப்டம்பர் மாதத்தில் தொடங்கப்பட்டது. தற்போது இந்த நிறுவனத்தை Banque Cantonale Vaudoise, PostFinance, Raiffeisen, UBS, Zürcher Kantonalbank, பங்குச் சந்தை நிர்வாகி SIX மற்றும் பணம் பரிமாற்ற சேவை வழங்குநர் Worldline ஆகியவை இணைந்து வைத்துள்ளன.

இந்த வளர்ச்சி, ஸ்விட்சர்லாந்தில் டிஜிட்டல் கட்டண முறைகள் அன்றாட வாழ்க்கையின் அங்கமாக மாறிவருவதை தெளிவாகக் காட்டுகிறது.

@SwissInfo