கூடுதல் வருமான விவரங்களை மறைக்கும் சுவிஸ் அரசியல்வாதிகள்

சுவிட்சர்லாந்து நாடாளுமன்ற உறுப்பினர்களில் பலர் தங்களின் கூடுதல் வருமானம் தொடர்பான விவரங்களை மக்களிடம் மறைத்து வருவதாக புதிய அறிக்கை ஒன்று வெளிப்படுத்தியுள்ளது. Lobbywatch அமைப்பு வெளியிட்ட Transparency Report 2025 அறிக்கையின் படி, நாடாளுமன்ற உறுப்பினர்களில் 44 சதவீதம் பேர் நிறுவனங்கள் மற்றும் சங்கங்களில் இருந்து பெறும் கூடுதல் வருமானத்தை முற்றிலும் அறிவிக்காமல் மௌனம் காக்கின்றனர்.

அதேபோல், அனைத்து கூடுதல் வருமான விவரங்களையும் முழுமையாக வெளிப்படையாக அறிவிக்கும் உறுப்பினர்கள் 27 சதவீதம் மட்டுமே என்பதும் அறிக்கையில் குறிப்பிடப்பட்டுள்ளது. இது, 2024 ஆரம்பத்தில் வெளியான ஆய்வுடன் ஒப்பிடும்போது, சுவிட்சர்லாந்து அரசியலில் வெளிப்படைத்தன்மை முன்னேற்றமின்றி தேக்கமடைந்துள்ளது என்பதைக் காட்டுகிறது.

இந்த ஆண்டு அறிக்கையில், முதல் முறையாக Lobbywatch அமைப்பு “முழு வெளிப்படைத்தன்மை” (அனைத்து வருமானங்களும் அறிவிப்பு) மற்றும் “பகுதி வெளிப்படைத்தன்மை” (சில வருமானங்கள் மட்டும் அறிவிப்பு) என்ற இரண்டு பிரிவுகளை தனித்தனியாக ஆய்வு செய்துள்ளது. இதன் மூலம், முழுமையாக நேர்மையாக சொத்து மற்றும் வருமான விவரங்களை வெளியிடுபவர்கள் மிகக் குறைவானோர் மட்டுமே என அந்த அமைப்பு தெரிவித்துள்ளது.

கட்சிவாரியான ஆய்வில், பசுமைக் கட்சி (Green Party) அதிக வெளிப்படைத்தன்மை கொண்டதாக அறிக்கை கூறுகிறது. அந்தக் கட்சியின் 68 சதவீத உறுப்பினர்கள் தங்களின் அனைத்து கூடுதல் வருமானங்களையும் அறிவிக்கின்றனர். இதற்கு அடுத்ததாக சோஷியல் டெமோக்ராடிக் கட்சி (Social Democratic Party) உள்ளது; அங்கு இந்த விகிதம் 51 சதவீதம்.

ஆனால், Social Democrats மற்றும் Green Liberals ஆகிய கட்சிகள் கடந்த ஆண்டுகளை விட தற்போது வெளிப்படைத்தன்மையை இழந்து வருகின்றன என்றும் Lobbywatch சுட்டிக்காட்டியுள்ளது. மறுபுறம், வலதுசாரியான Swiss People’s Party மற்றும் Centre Party வெளிப்படைத்தன்மையில் முன்னேற்றம் காட்டியுள்ளதாக கூறப்படுகிறது.

ஆனால், Radical-Liberal Party மிகக் குறைந்த வெளிப்படைத்தன்மையுடன் கடைசி இடத்தில் உள்ளது. அந்தக் கட்சியில் ஒரு உறுப்பினரும் கூட அனைத்து வருமானங்களையும் வெளிப்படையாக அறிவிக்கவில்லை, மேலும் மூன்றில் ஒருவரே கூட பகுதி வருமானத்தை அறிவித்துள்ளனர். அறிக்கையின் மற்றொரு முக்கிய அம்சமாக, பெண் நாடாளுமன்ற உறுப்பினர்கள் ஆண்களை விட அதிக வெளிப்படைத்தன்மையுடன் உள்ளனர் என குறிப்பிடப்பட்டுள்ளது.

பெண் உறுப்பினர்களில் மூன்றில் ஒருவர் முழுமையாக தங்களின் வருமான விவரங்களை அறிவிக்கின்றனர்; ஆண்களில் இது நான்கில் ஒருவருக்கு மட்டுமேயாகும் என தெரிவிக்கப்பட்டுள்ளது.