ஜெனீவாவில் புதிய பொதுப் போக்குவரத்து மாற்றங்கள் – ஆகஸ்ட் 18 முதல் அமலில்

ஜெனீவா பொதுப் போக்குவரத்து நிறுவனம் (TPG), வரும் திங்கள்கிழமை ஆகஸ்ட் 18 முதல் அதன் வலையமைப்பில் பல மாற்றங்களை அறிவித்துள்ளது. பள்ளிகள் தொடங்கும் நேரத்தில் நடைபெறும் கட்டுமானப் பணிகள் காரணமாக சில டிராம் சேவைகள் பாதிக்கப்பட உள்ளன.

லைன் 12 – கரூஜ் பகுதியில் நடைபெற்ற பணிகளுக்குப் பிறகு, லான்சி-பாச்செட் (Lancy-Bachet) மற்றும் பிளாஞ்ச் (Blanche) நிறுத்தங்களுக்கு இடையில் மீண்டும் இயக்கப்படும். எனினும், பிளாஞ்ச் மற்றும் பிளைன்பலே (Plainpalais) இடையே மாற்றுப் பஸ் சேவை தொடரும். வழக்கமான டிராம் சேவை டிசம்பர் 6, எஸ்கலேட் பந்தயம் (Escalade Race) நடைபெறும் நாளில் முழுமையாக மீண்டும் தொடங்கும்.

லைன் 15 – நேஷன்ஸ் (Nations) மற்றும் பிரான்சின் பெர்னே (Ferney) இடையேயான டிராம் விரிவாக்கப் பணிகள் காரணமாக, இந்த லைனின் இறுதி நிறுத்தம் (terminus) கொல்லேஜ் சிஸ்மாண்டி (Collège Sismondi) நிறுத்தத்துக்கு மாற்றப்படும். நேஷன்ஸ் பகுதியில் செல்லும் சில பஸ் வழித்தடங்களும் குறிப்பிட்ட இடங்களில் பாதிக்கப்படும்.

புதிய தற்காலிக லைன் 97 – புதிய கல்வியாண்டின் தொடக்கத்தில், கிரான்ட்ஸ் எசெர்ட் (Grands Essert) பகுதியையும் புட்-டு-மோண்ட் (Bout-du-Monde) பகுதியையும் இணைக்கும் வகையில் தற்காலிகமாக அறிமுகப்படுத்தப்படுகிறது. டிசம்பரில் லைன் 7 விரிவடையும் வரை இது சேவையில் இருக்கும். இந்த பஸ், ஜெனீவா நகர மையம் உட்பட பல இடங்களுக்கு இணைப்பை வழங்கும் எனவும் அறிவித்துள்ளது.

@Keystone SDA