சுவிட்சர்லாந்தில் குடியேற்றம் குறைவு – கடந்த பத்து ஆண்டுகளில் அதிகமானோர் நாடு விட்டு வெளியேறல்

சுவிட்சர்லாந்தில் இருந்து மக்கள் வெளியேறும் அளவு கடந்த பத்து ஆண்டுகளில் இதுவரை காணாத அளவுக்கு உயர்ந்துள்ளது. சூரிக் மாகாண வங்கியின் நிலப்பரப்பு ஆய்வின் (Real Estate Barometer) படி, ஆகஸ்ட் மாதம் வரையில் 68,000-க்கும் மேற்பட்டோர் சுவிட்சர்லாந்தை விட்டு பிற நாடுகளுக்கு குடிபெயர்ந்துள்ளனர்.

குடியேற்றம் குறைந்ததுடன், புதிய குடிமக்கள் வருகையும் மந்தமானதால் நாட்டின் மக்கள்தொகை வளர்ச்சி விகிதமும் கடந்த ஆண்டைவிட குறைந்துள்ளது. இந்த குடியேற்ற சரிவு, குறிப்பாக சூரிக், ஜெனீவா போன்ற பெருநகரங்களில் வீட்டு வாடகை விலைகள் மற்றும் வீட்டு வசதி குறைவின் அழுத்தத்தை ஓரளவு குறைக்கக்கூடும் என நிபுணர்கள் தெரிவிக்கின்றனர்.

வெளியேறியோரில் பெரும்பாலானவர்கள் சுவிஸ் குடிமக்களே; அவர்களைத் தொடர்ந்து ஜெர்மனி, இத்தாலி, போர்ச்சுகல் மற்றும் பிரான்ஸ் குடிமக்களும் அடங்குவர்.

இது பற்றி பொருளாதார நிபுணர்கள் தெரிவிக்கையில், சமீபத்தில் சுவிட்சர்லாந்தின் வேலை வாய்ப்பு வளர்ச்சி மந்தமடைந்ததும், பொருளாதார சூழ்நிலை சற்று குளிர்ந்திருப்பதும் இதற்குக் காரணமாக உள்ளன. இதனால், பல திறமையான வெளிநாட்டு தொழிலாளர்கள் தங்களது தாய்நாடுகளுக்கு திரும்பிச் செல்வதைத் தேர்வு செய்து வருகின்றனர்.

சுவிட்சர்லாந்து நீண்ட காலமாக நிலையான பொருளாதாரம், உயர்ந்த வாழ்க்கைத் தரம் மற்றும் சிறந்த தொழில் வாய்ப்புகளால் வெளிநாட்டு நிபுணர்களை ஈர்த்துவந்தது. ஆனால் தற்போது வாழ்வு செலவு, வீட்டு வாடகை உயர்வு மற்றும் பணியிட போட்டி ஆகியவை குடியேற்ற முடிவுகளில் மாற்றத்தை ஏற்படுத்தி வருகின்றன.

இதனால், நாட்டின் மக்கள்தொகை வளர்ச்சி விகிதம் அடுத்த சில ஆண்டுகளிலும் மந்தமாகவே இருக்கும் என பொருளாதார வல்லுநர்கள் கணிக்கின்றனர்.

© Keystone SDA