பட்ஜெட் குறைப்புக்கு எதிராக லௌவுசானில் வலுவான போராட்டம்

Swiss Local News
Waadt/Vaud

8 months ago

Janarthan

பட்ஜெட் குறைப்புக்கு எதிராக லோசானில் வலுவான போராட்டம்

வோட் கண்டோனின் தலைநகரான லௌவுசானில் வியாழக்கிழமை மாலை 12,000 முதல் 15,000 பேர்வரை தெருக்களில் இறங்கி, அரசு அறிவித்த பட்ஜெட் குறைப்புக்கு எதிராக மிகப்பெரிய போராட்டத்தில் ஈடுபட்டனர்.

இந்த ஆர்ப்பாட்டம், 2026ஆம் ஆண்டுக்கான செலவுகளை 305 மில்லியன் ஃப்ராங்க் குறைக்க வேண்டியிருப்பதாக மாநில கவுன்சில் அறிவித்ததையடுத்து நடைபெற்றது. சுகாதார துறை, குழந்தைகள் பராமரிப்பு மையங்கள், மற்றும் அரசு ஊழியர்களின் சம்பளங்களில் வெட்டுக் குறைப்பு செய்யப்படும் என்ற முடிவு பொதுமக்கள் மற்றும் தொழிற்சங்கங்களிடையே கடும் அதிருப்தியை ஏற்படுத்தியுள்ளது.

போராட்டத்தில் பங்கேற்றவர்கள், இத்தகைய முடிவுகள் சமூக சேவைகளை பாதிக்கவும், பொதுமக்களின் அன்றாட வாழ்க்கையில் கூடுதல் சுமையை ஏற்படுத்தவும் வழிவகுக்கும் என எச்சரித்தனர். குறிப்பாக, சுகாதாரச் செலவுகளிலும் குழந்தைகள் பராமரிப்பு மையங்களிலும் குறைப்பு செய்வது, சமூகத்தில் பலவீனமான தரப்பினருக்கு நேரடி பாதிப்பை உண்டாக்கும் என்பதைக் குறிப்பிடுகின்றனர்.

லௌவுசான் நகரின் மையப்பகுதிகள் முழுவதும் கோஷங்கள் எழுப்பிய ஆர்ப்பாட்டக்காரர்கள், அரசு தனது திட்டத்தை திரும்பப் பெற வேண்டும் என்று கோரிக்கை விடுத்தனர்.

சுவிட்சர்லாந்தில் சமீப ஆண்டுகளில் பல கண்டோன்கள் நிதி சுமையால் செலவுகளை வெட்டத் தீர்மானித்துள்ள நிலையில், இந்த போராட்டம் மக்கள் அதிருப்தியை வெளிப்படுத்தும் முக்கிய சுட்டிக்காட்டாக பார்க்கப்படுகிறது.