சுவிட்சர்லாந்து – பிரான்ஸ் செல்பவர்களுக்கு முக்கிய அறிவிப்பு பிரான்சில் உள்ள விமானப் போக்குவரத்துக் கட்டுப்பாட்டாளர்கள் வெளியேறத் திட்டமிட்டுள்ளதால் பிரெஞ்சு விமான நிலையங்களில் பல்வேறு போக்குவரத்து இடையூறுகள் ஏற்படவிருப்பதாக எச்சரிக்கப்பட்டுள்ளது.
பல வாரங்களாக ஐரோப்பாவில் போக்குவரத்துத் துறை வேலைநிறுத்தங்கள் எதுவும் மேற்கொள்ளப்படாமல் இருந்த நிலையில் மீண்டும் விமானப்போக்குவரத்து வேலைநிறுத்தங்கள் ஆரம்பிக்கப்படவுள்ளது.
பிரான்சில் உள்ள விமானப் போக்குவரத்துக் கட்டுப்பாட்டாளர்கள் நாளை வேலைநிறுத்தம் செய்ய திட்டமிட்டுள்ளனர். இதனால் பிரெஞ்சு விமான நிலையங்களுக்கு வரும் மற்றும் புறப்படும் பெரும்பாலான விமானங்கள் ரத்து செய்யப்படும்.
நீங்கள் சுவிட்சர்லாந்தில் இருந்து பிரான்சுக்குப் பறக்கத் திட்டமிட்டிருந்தால், உங்கள் விமான பயணத்தை வியாழக்கிழமைக்குப் பிறகு மீண்டும் திட்டமிட முடியுமா என்பதைப் பார்க்கவும்.
ஆனால் மே 9, 10 மற்றும் 11 ஆம் தேதி விடுமுறை வார இறுதிக்கு முன்னதாக, தொழிற்சங்கங்கள் மற்றொரு தொழில்துறை நடவடிக்கையை மேற்கொள்ளவுள்ளது. அந்தத் தேதிகளில் பிரெஞ்சு விமான நிலையங்களை மூடக்கக்கூடும் என்று சுட்டிக்காட்டப்பட்டுள்ளது.
இந்த வேலைநிறுத்தம் ‘மிகவும் வலுவானதாகப் பின்பற்றப்படும்’ என்று பிரெஞ்சு விமானப் போக்குவரத்து தொழிற்சங்கங்களின் துணைக்குழுவின் தலைவர் பாஸ்கல் டி இசாகுயர் குறிப்பிட்டுள்ளார்.
பிரெஞ்சு சிவில் விமான போக்குவரத்து ஆணையம் குறிப்பிடுகையில், 60 சதவீத விமானங்கள் ரத்து செய்யப்படும் என கூறியது. இது பயணிகளுக்கு பெரும் பாதிப்பை ஏற்படுத்தும் எனவும் தெரிவிக்கப்படுகிறது. மக்கள் பெரும் இடையூறு மற்றும் நீண்ட தாமதங்களை எதிர்பார்க்க வேண்டும் எனவும் அறிவுறுத்தப்பட்டுள்ளது.
