பேர்னில் நூற்றுக்கணக்கானோர் ஓநாய் வேட்டைக்கு எதிராக போராட்டம்

சுவிட்சர்லாந்தின் தலைநகர் பேர்னில் சனிக்கிழமை பிற்பகல், நூற்றுக்கணக்கான மக்கள் வுண்டெஸ்பிளாட்ஸ் (Bundesplatz) மைதானத்தில் கூடி ஓநாய்களை சுட்டுக் கொல்லும் நடவடிக்கையை நிறுத்த வேண்டும் எனக் கோரினர். போராட்டக்காரர்களில் பலர் சிவப்பு உடை அணிந்திருந்தனர்; சிலர் தங்கள் செல்லப்பிராணி நாய்களையும் கூட்டிச் சென்றனர். தாளமிசை மற்றும் உரைகளின் மூலம் “ஓநாய் படுகொலை”க்கு முடிவு வைக்க வேண்டும் என அவர்கள் வலியுறுத்தினர்.

இந்த தேசிய அளவிலான ஆர்ப்பாட்டத்தை “Committee Against Wolf Culls” என்ற குழு ஏற்பாடு செய்தது. வனவிலங்கு பாதுகாப்பு சுவிட்சர்லாந்து (Wildlife Protection Switzerland), Tier im Fokus உள்ளிட்ட பல்வேறு அமைப்புகள் இதற்கு ஆதரவு அளித்தன.

ஏற்பாட்டாளர்கள் கூறியதாவது, “மேலாண்மை” என்ற பெயரில் சுவிட்சர்லாந்தில், ஜனநாயகமற்ற விளையாட்டு நடக்கிறது. குட்டி ஓநாய்களைகொன்றுவிடுகின்றனர்; இது ஒரு படுகொலைக்கு சமம் எனக் கூறினர்.

ஓநாய் வேட்டை தொடர்பான சுவிஸ் விலங்கு பாதுகாப்பு சங்கமான STS ஏற்கனவே வெள்ளிக்கிழமை அறிக்கை வெளியிட்டு, கூட்டங்களை அழிக்க அனுமதி அளித்துள்ள சுவிஸ் சுற்றுச்சூழல் அலுவலகத்தின் முடிவால் “ஆழ்ந்த அதிர்ச்சி” அடைந்ததாக தெரிவித்தது.

21 ஓநாய் கூட்டங்களில் வேட்டை நடத்துவதற்கு அனுமதி வழங்கப்பட்டிருப்பது நீடித்த தீர்வாக இருக்காது என்றும், மாறாக ஓநாய் கூட்டங்களின் நிலைத்தன்மைக்கும் சுவிட்சர்லாந்தின் கால்நடை பாதுகாப்புக்கும் பெரும் அபாயத்தை ஏற்படுத்தும் என்றும் அந்த அமைப்பு எச்சரித்துள்ளது.

© KeystoneSDA