சூரிச்சில் பயங்கர விபத்து – ஐந்து பேர் காயம்

ஞாயிற்றுக்கிழமை, 13 ஜூலை 2025, சூரிச் மாநிலத்தின் ஹிர்செல் (Hirzel) பகுதியில் இரண்டு கார்கள் மோதிய விபத்தில் ஐந்து பேர் காயமடைந்தனர். இதில் இருவரை ரெகா ஹெலிகாப்டரில் மருத்துவமனைக்கு அழைத்துச் செல்ல வேண்டிய நிலை ஏற்பட்டது.

சுமார் மாலை 2:45 மணிக்கு, 47 வயது ஒரு நபர் தனது 6 வயது மகனுடன் (சூகர் ஸ்திராக்ஷ ) Zugerstrasse வீதியில் Sihlbrugg (சில்ப்புறூக்) திசையில் வண்டி ஓட்டி வந்தார். “ஜுபோர் வளைவு” பகுதியில் அவர் வண்டியின் கட்டுப்பாட்டை இழந்து எதிர்புற பாதையில் சென்றார்.

அங்கு எதிரே வந்த 40 வயது நபரின் கார், அவரின் 36 வயது மனைவி மற்றும் 4 வயது மகனுடன் பயணம் செய்துகொண்டிருந்தது. இந்த இரு வாகனங்களும் ஒரு இடத்தில் பக்கவாட்டில் நேருக்கு நேர் மோதின. மோதலின் தாக்கத்தில் இரு கார்களும் தடம் புரண்டு, வழித்தடத்தைக் கடந்தபின் புல்வெளிக்குள் சறுக்கி சென்றன.

இந்த விபத்தில் கார் உள்பகுதியில் இருந்த ஐந்து பேரும் காயமடைந்தனர். இருவர் ரெகா விமானத்தில் மருத்துவமனைக்கு கொண்டு செல்லப்பட்டனர். மற்ற மூவர் ஆம்புலன்ஸில் அருகிலுள்ள மருத்துவமனைகளுக்கு அழைத்துச் செல்லப்பட்டனர். முதற்கட்ட தகவல்களின் படி, அவர்கள் மிதமான காயங்கள் வரை அடைந்துள்ளனர்.

விபத்தின் காரணம் இன்னும் தெளிவாக தெரியவில்லை. சூரிச் காவல் துறை மற்றும் மாநில அரசு இதை ஆராய்ந்து வருகின்றன. இதனால் Zugerstrasse வீதி, Hirzel இல் உள்ள Morgentalkreuzung (மோர்கேண்டல் க்ரொய்ச்சுங்)  முதல் Sihlbrugg சுழற்சி வரை இரு வழிகளிலும் மாலை 7:30 மணி வரை மூடப்பட்டது. ஹோர்கன் தீயணைப்பு துறை வழித்தட மாற்றத்தை ஏற்பாடு செய்தது.

இந்த சம்பவம் அனைத்து நபர்களும் அதிர்ஷ்டவசமாக உயிருடன் மீட்கப்பட்டனர் என்றாலும், சாலை பாதுகாப்பு மீதான விழிப்புணர்வை மீண்டும் வலியுறுத்துகிறது.