எடல்வெய்ஸ் 2027–2028ல் மேலும் ஐந்து A320 நியோ விமானங்களை சேர்க்க திட்டம்

Swiss headline News

8 months ago

Janarthan

எடல்வெய்ஸ் 2027–2028ல் மேலும் ஐந்து A320 நியோ விமானங்களை சேர்க்க திட்டம்

சுவிஸ் நாட்டின் முன்னணி ஓய்வுக்கால (leisure) விமான சேவை நிறுவனமான எடல்வெய்ஸ் தனது குறுந்தூரப் பயணப் படையை விரிவாக்கும் நோக்கில் மேலும் ஐந்து புதிய ஏர்பஸ் A320 நியோ (Airbus A320neo) விமானங்களை சேர்க்க இருப்பதாக நிறுவனம் வியாழக்கிழமை வெளியிட்ட செய்திக்குறிப்பில் அறிவித்துள்ளது.

இந்த புதிய விமானங்கள் 2027 மற்றும் 2028 ஆம் ஆண்டுகளில் எடல்வெய்ஸ் படையில் இணையும். அவற்றில் மூன்று விமானங்கள், கடந்த 26 ஆண்டுகளாக சேவையில் உள்ள பழைய A320 விமானங்களை மாற்றும் வகையில் பயன்படும். மீதமுள்ள இரண்டு விமானங்கள், நிறுவனம் தற்போது இயக்கி வரும் படையை விரிவுபடுத்தும் நோக்கில் சேர்க்கப்படுகின்றன.

இது நிறைவேறிய பின், எடல்வெய்ஸின் குறுந்தூரப் பயணப் படையின் மொத்தம் 18 விமானங்களாக உயரும்.

நிறுவனம் வெளியிட்ட தகவலில், புதிய A320 நியோ விமானங்கள் எரிபொருள் சிக்கனத்திலும், கார்பன் உமிழ்வை குறைப்பதிலும் சிறப்பாக செயல்படும் என்று குறிப்பிடப்பட்டுள்ளது. இதன் மூலம், சுற்றுச்சூழல் நட்பு மற்றும் நவீன வசதிகளுடன் கூடிய சேவையை பயணிகள் அனுபவிக்க முடியும் என்றும் எடல்வெய்ஸ் தெரிவித்துள்ளது.