செயிண்ட் கேலன் வீசன் நகரில் வீட்டில் திருட்டு – மூன்று ருமேனியர்கள் சுவிஸ் போலீசாரால் கைது

சுவிட்சர்லாந்தின் செயிண்ட் கேலன் கன்டோன் வீசன் (Weesen) நகர மையத்தில் உள்ள தனியார் வீட்டில் நடந்த திருட்டு சம்பவத்தையடுத்து, மூன்று ஆண்கள் அக்டோபர் 30, 2025, வியாழக்கிழமை மதியம் 12.15 மணியளவில் போலீசாரால் கைது செய்யப்பட்டனர்.

செயல் திட்டம் மாநில வழக்கறிஞர் அலுவலகத்தின் வழிகாட்டுதலின் கீழ் செயிண்ட்.காலென் (St. Gallen) கண்டோன் போலீசால் முன்னெடுக்கப்பட்டது.

இந்த சம்பவம் முதலில் சூரிக் கண்டோன் போலீசின் கவனத்திற்கு வந்தது. ஹின்வில் (Hinwil) பகுதியில் இருந்து குர் (Chur) நோக்கி A3 நெடுஞ்சாலையில் சென்ற ஒரு வாகனம் சந்தேகத்திற்கிடமாக இருந்தது. அந்த கார் வீசன் வெளியேறும் இடத்தில் நெடுஞ்சாலையை விட்டு, துறைமுகம் அருகிலுள்ள ஒரு பார்க்கிங் பகுதிக்குச் சென்றது. பின்னர் காரில் இருந்த மூன்று ஆண்கள் மூன்று திசைகளில் பிரிந்து சென்றனர்.

போலீசார் அவதானித்தபோது, ஆண்களில் ஒருவர் ஒரு கனமான விளையாட்டு பையை (Sporttasche) காருக்குக் கொண்டு வந்து வைக்க, அங்கிருந்து வாகனத்துடன் தப்பிச் செல்ல முயன்றதை கண்டனர். அதனைத் தொடர்ந்து போலீசார் உடனடியாக நடவடிக்கை எடுத்து, ஒருவரை அங்கு கைது செய்தனர்.

மற்ற இருவரும் குறுகிய தூரம் ஓடி தப்ப முயன்றபோதும், போலீசார் அவர்களையும் சில நிமிடங்களுக்குள் பிடித்தனர். கைது செய்யப்பட்டவர்கள் இருவர் 38 வயதுடையவர்களும், ஒருவர் 45 வயதுடையவரும் ஆவர். மூவரும் ருமேனிய நாட்டைச் சேர்ந்தவர்கள் என போலீசார் உறுதிப்படுத்தியுள்ளனர்.

அவர்களிடமிருந்து மீட்கப்பட்ட விளையாட்டு பையில் பல ஆயிரம் சுவிஸ் ஃப்ராங்க் மதிப்பிலான திருடப்பட்ட பொருட்கள் இருந்தன. அவை வீசன் நகர மையத்தில் உள்ள ஒரு வீட்டில் சமீபத்தில் நடந்த கொள்ளையில் எடுக்கப்பட்டவையாக இருக்கலாம் என போலீசார் தெரிவித்துள்ளனர்.

தற்போது செயிண்ட்.காலென் மாநில வழக்கறிஞர் அலுவலகம் மூவருக்கும் எதிராக குற்றவியல் வழக்கு தொடங்கி, அவர்களை விசாரணை காவலில் வைக்க நீதிமன்றத்தில் மனு தாக்கல் செய்துள்ளது.

சுவிட்சர்லாந்தில் சமீப மாதங்களில் வெளிநாட்டு நாட்டு நபர்களால் மேற்கொள்ளப்படும் வீட்டுத்தொறுப்பு மற்றும் சொத்து திருட்டு சம்பவங்கள் அதிகரித்துள்ளன. இத்தகைய ஒருங்கிணைந்த போலீஸ் நடவடிக்கைகள் நாட்டின் பல பகுதிகளில் நடைபெற்று வருகின்றன.

© Kapo SG