சுவிட்சர்லாந்தின் புதிய பயோமெட்ரிக் அடையாள அட்டை 2026ல் அறிமுகம் – விருப்பத்தேர்வாக மட்டுமே வழங்கப்படும்

சுவிட்சர்லாந்து 2026 இறுதிக்குள் புதிய பயோமெட்ரிக் அடையாள அட்டையை (Biometric ID Card) அறிமுகப்படுத்த இருக்கிறது. இந்த அட்டை ஐரோப்பிய ஒன்றிய நாடுகளுக்குள் தொடர்ச்சியாக பயணம் செய்ய உதவும் என்பதாலும், எதிர்கால பயணச் சிக்கல்களை தவிர்க்கும் வகையில் வடிவமைக்கப்பட்டதுமானாலும், இதன் பயன்பாடு கட்டாயமல்ல; விரும்புவோர் மட்டுமே பெற முடியும்.

2025 ஜூன் 30 அன்று சுவிஸ் கூட்டாட்சி காவல்துறை (Fedpol) இந்த புதிய திட்டத்தை அறிவித்தது. புதிய அடையாள அட்டையில் ஒரு சிறப்பு சிப் பொருத்தப்பட்டுள்ளது. அதில் இரண்டு விரல் ரேகைகள் மற்றும் முகப் படம் என இரண்டு பயோமெட்ரிக் தரவுகள் சேமிக்கப்படுகின்றன. இதன்மூலம் போலிகளை உருவாக்குதல் போன்ற அபாயங்களைத் தடுக்க அதிகப்படியான பாதுகாப்பு கிடைக்கும் என்று அதிகாரிகள் விளக்குகின்றனர்.

ஐரோப்பிய ஒன்றிய நாடுகள் தற்போது பாதுகாப்பு காரணங்களால் பயோமெட்ரிக் தகவல்களுடன் கூடிய அடையாள அட்டைகளையே வழங்குகின்றன. அதனால், எதிர்காலத்தில் சுவிஸ் குடிமக்கள் பிரயாணத் தடைகள் இல்லாமல் ஐரோப்பிய ஒன்றியப்பகுதிகளில் சுதந்திரமாகச் சஞ்சரிக்க, சுவிட்சர்லாந்தும் இதே தரநிலைக்கு ஏற்ப புதிய அட்டையை அறிமுகப்படுத்துகிறது.

தற்போதுள்ள சாதாரண அடையாள அட்டை தொடர்ந்து செல்லுபடியாக இருக்கும். ஆனால், ஐரோப்பிய ஒன்றிய நாடுகளில் பயணம் செய்பவர்கள் மற்றும் பாதுகாப்பு வசதிகளில் கூடுதல் நன்மையை விரும்புபவர்கள் புதிய பயோமெட்ரிக் அடையாள அட்டையைப் பெற முடியும்.

இந்த மாற்றம், சர்வதேச பயணங்களில் பாதுகாப்பு மற்றும் அடையாள சரிபார்ப்பு முறைகளை ஒரே மாதிரி செய்வதில் சுவிட்சர்லாந்தின் முக்கியமான முன்னேற்றமாகக் காணப்படுகிறது.

© KeystoneSDA