டாவோஸ் மாநாடு: சுவிட்சர்லாந்திற்கு அமெரிக்க இராணுவ விமானங்கள் வருகை

டாவோசில் நடைபெறவுள்ள உலகப் பொருளாதார மன்ற மாநாட்டை முன்னிட்டு, பாதுகாப்பு ஏற்பாடுகளின் ஒரு பகுதியாக அமெரிக்க விமானப்படை விமானங்கள் சுவிட்சர்லாந்திற்கு வரத் தொடங்கியுள்ளன. இந்த முன்னேற்பாடுகள் மாநாட்டின் முக்கியத்துவத்தையும், உலகத் தலைவர்கள் பங்கேற்க உள்ளதைச் சுட்டிக்காட்டுவதாகக் கருதப்படுகிறது.

புதன்கிழமை பிற்பகல், அமெரிக்க விமானப்படைக்குச் சொந்தமான C-17A குளோப்மாஸ்டர் III போக்குவரத்து விமானம் Zurich Airport விமான நிலையத்தில் தரையிறங்கியது. ஏற்கனவே பல C-17 விமானங்கள் சுவிட்சர்லாந்தை வந்தடைந்துள்ள நிலையில், நேற்று முன்தினம் மேலும் ஒரு விமானம் வந்ததாக தகவல்கள் தெரிவிக்கின்றன.

போயிங் நிறுவனம் தயாரித்த C-17 குளோப்மாஸ்டர் III என்பது துருப்புக்கள், கனரக உபகரணங்கள் மற்றும் பெரிய அளவிலான சரக்குகளை ஏற்றிச் செல்லக்கூடிய, நான்கு இயந்திரங்களைக் கொண்ட பல்நோக்கு இராணுவ போக்குவரத்து விமானமாகும். இவ்வகை விமானங்கள் பெரும்பாலும் பாதுகாப்பு மற்றும் தளவாட நடவடிக்கைகளுக்காக பயன்படுத்தப்படுகின்றன.

இதனிடையே, நேற்று பிற்பகல் Dübendorf Air Base விமான நிலையத்தில் நான்கு சிகோர்ஸ்கி UH-60 பிளாக் ஹாக் ஹெலிகொப்டர்களும் தரையிறங்கியுள்ளன. டாவோசில் நடைபெறவுள்ள World Economic Forum மாநாட்டில் அமெரிக்க ஜனாதிபதி உள்ளிட்ட முக்கிய பிரமுகர்கள் பங்கேற்க உள்ள நிலையில், இந்த இராணுவ விமானங்களின் வருகை பாதுகாப்பு நடவடிக்கைகள் தீவிரப்படுத்தப்பட்டுள்ளதைக் காட்டுவதாக பார்க்கப்படுகிறது.