சுவிஸ் சென்ட்காலன் கன்டோனில் அடுத்தடுத்து ஏற்பட்ட மூன்று விபத்துகள்.!!  கன்டோனில் அடுத்தடுத்து மூன்று விபத்துக்கள் ஏற்பட்டுள்ளது. குறித்த சம்பவங்கள் கடந்த திங்கட்கிழமை (09.01.2023) செயின்ட் கேலன் நகரில் இடம்பெற்றுள்ளமை குறிப்பிடத்தக்கது. இச்சம்வங்கள் தொடர்பில் மேலும் தெரியவருகையில் :-

திங்கட்கிழமை மதியம் 2 மணிக்குப் பிறகு, 86 வயதான பெண் ஒருவர் தனது காரை Lindenstrasse இல் இருந்து Steinachstrasse  வின் திசையில் ஓட்டிக்கொண்டிருந்தார். இடதுபுறம் திரும்பும்போது, ​​மீண்டும் வலதுபுறம் பார்த்ததினால் கார் நிலை தடுமாறி இந்த விபத்து சம்பவம் ஏற்பட்டுள்ளது.

இதன் விளைவாக, 86 வயதான ஓட்டுனருக்கு தெய்வாதீனமாக எந்தவித காயங்களும் ஏற்படவில்லை. ஆனால் காருக்கு பலத்த சேதம் ஏற்பட்டுள்ளமை குறிப்பிடத்தக்கது.

மேற்படி சம்பவம் இடம்பெற்று சில மணிநேரங்களுக்குப் பிறகு அதே பகுதியில் மீண்டும் ஒரு விபத்து ஏற்பட்டுள்ளது. 27 வயதானபெண் ஒருவர் இரவு 8 மணியளவில் Harzbüchelstrasse திசையில் இருந்து Lindentalstrasse சந்தி வழியாக வந்துகொண்டிருந்தார். இதே வேளையில் Buchentalstrasse லிருந்து வந்த 23 வயதுப் பெண் ஓட்டுனர் முன்னதாக பயணித்த காரை கவனிக்காமல் மோதியுள்ளார்.

இதனால் கார் ஒன்றுடன் ஒன்று மோதி மூன்றாவது காருடன் முட்டி மோதி விபத்து ஏற்பட்டுள்ளது. மூன்று வாகனங்களும் மிதமான சொத்து சேதத்தை சந்தித்தன. விபத்தில் யாருக்கும் காயம் ஏற்படவில்லை.

இரண்டாவது சம்பவம் இடம்பெற்று ஏறக்குறைய ஒன்றரை மணி நேரம் கழித்து, இரவு 9.30 மணிக்குப் பிறகு, Splügenstrasse சந்திப்பில் / St.Fiden மோட்டார்வே வெளியேறும் இடத்தில் மற்றொரு விபத்து ஏற்பட்டது. 41 வயதான ஓட்டுநர் ஒருவர் Splügenstrass திசையில் மோட்டார்வே வெளியேறும் பாதையில் ஓட்டிச் சென்றபோது, சூரிச் திசையில் உள்ள மோட்டார்வே நுழைவாயிலின் திசையில் Rorschacher Strasse இல் சேர்ந்த 76 வயதான ஒருவர் ஓட்டிச் சென்ற கார் மீது மோதி மற்றுமொரு விபத்து ஏற்பட்டுள்ளது.

இந்த விபத்தில் மிதமான சொத்து சேதம் ஏற்பட்டது. காயங்கள் எதுவும் இல்லை என தெரிவிக்கப்பட்டுள்ளது..மேலும் சுவிற்சர்லாந்தின் உள்ளுர் செய்திகள் முதல் அத்தனை விடயங்களையும் அறிந்து கொள்ள SwissTamil24.Com எமது இணையத்தளத்தினை தினமும் பார்வையிடுங்கள்.