சீவேனில் சாலையோரத்தில் மனித இரத்தக் கறைகள்; போலீசார் சாட்சிகளைத் தேடல்

சுவிட்சர்லாந்தின் சொலுத்தூர்ன் கன்டோனில் (Solothurn) உள்ள சீவேன் (Seewen) பகுதியில், செவ்வாய்க்கிழமை காலை மனித இரத்தமாக இருக்கக்கூடிய பெரிய இரத்தக் கறைகளும், இரத்தத்தில் நனைந்த பல துணிகளும் கண்டுபிடிக்கப்பட்டுள்ளன. இந்த சம்பவம் தொடர்பாக இதுவரை எந்த விபத்தோ அல்லது வேறு நிகழ்வோ பதிவாகாத நிலையில், காவல் துறையினர் பொதுமக்களின் உதவியை நாடியுள்ளனர்.

ஜனவரி 20, 2026 செவ்வாய்க்கிழமை காலை,, ‘Seebach’ எனப்படும் இடத்தின் அருகே இந்த இரத்தக் கறைகள் மற்றும் துணிகள் இருப்பதை கவனித்த பொதுமக்கள் தகவல் அளித்ததைத் தொடர்ந்து, Kantonspolizei Solothurn சம்பவ இடத்திற்கு விரைந்து ஆய்வு மேற்கொண்டது.

ஆரம்ப விசாரணைகளில், அங்கு கண்டெடுக்கப்பட்ட இரத்தம் மனித இரத்தம் என்பதைக் காவல் துறையினர் உறுதிப்படுத்தியுள்ளனர். ஆனால், அந்த இடத்தில் என்ன நடந்தது, யாருக்குச் சம்பந்தப்பட்ட இரத்தம் என்பது குறித்து இதுவரை எந்தத் தெளிவும் கிடைக்கவில்லை. இந்தச் சூழ்நிலையை விளக்கக்கூடிய எந்தவொரு சாலை விபத்தும் அல்லது வேறு சம்பவமும் காவல் துறைக்கு அறிவிக்கப்படவில்லை என தெரிவிக்கப்பட்டுள்ளது.

மேலும், அருகிலுள்ள மருத்துவமனைகளில் மேற்கொள்ளப்பட்ட விசாரணைகளிலும், இந்த சம்பவத்துடன் தொடர்புடையதாக இருக்கக்கூடிய எந்தத் தகவலும் கிடைக்கவில்லை. இதனால், இந்த இரத்தக் கறைகள் தோன்றிய பின்னணி குறித்து பல கேள்விகள் எழுந்துள்ளன.

சம்பவத்தின் உண்மை நிலையை கண்டறிய, அந்தப் பகுதியில் செவ்வாய்க்கிழமை காலை ஏதேனும் சந்தேகத்துக்குரிய நிகழ்வுகளை கவனித்தவர்கள் அல்லது தகவல் தெரிந்தவர்கள் முன்வருமாறு சொலுத்தூர்ன் கன்டோனல் போலீசார் கேட்டுக்கொண்டுள்ளனர். விசாரணை தொடர்ந்து நடைபெற்று வருகிறது.

© Kapo SO