பாசலில் நேரடி ஊதிய வரி வசூலுக்கு எதிராக மக்கள் வாக்கெடுப்பு

சுவிட்சர்லாந்தின் பாசல் நகரில் ஊதியத்திலிருந்து நேரடியாக வரி பிடித்தம் செய்யும் புதிய வரி முறைக்கு எதிராக மக்கள் வாக்கெடுப்பு நடத்தப்படும் நிலை உருவாகியுள்ளது. கடந்த அக்டோபர் மாதம் Basel-சிட்டி கன்டோன் நாடாளுமன்றத்தில் பெரும்பான்மையான உறுப்பினர்கள், ஊழியர்களின் சம்பளத்திலிருந்து நேரடியாக வரியை பிடித்தம் செய்து அதை வரித்துறைக்கு செலுத்தும் ‘withholding tax’ முறையை அறிமுகப்படுத்த ஒப்புதல் வழங்கினர்.

தற்போது சுவிட்சர்லாந்தில் நடைமுறையில் உள்ள வரி முறையிலிருந்து இது முற்றிலும் வேறுபட்டதாகும். வழக்கமாக, ஊழியர்கள் தங்களது முழு வரி தொகையையும் ஆண்டுதோறும் மார்ச் மாதத்தில் ஒரே முறையாக செலுத்துகின்றனர். மாதாந்திர சம்பளத்தில் சமூக காப்பீட்டு கட்டணங்கள் மட்டுமே பிடித்தம் செய்யப்படுவது இன்றைய நடைமுறையாக உள்ளது.

ஆனால் புதிய முறையால் நிறுவனங்களுக்கு கூடுதல் நிர்வாகச் சுமை ஏற்படும் என பாசல் முதலாளிகள் சங்கமும் வர்த்தக சபையும் கவலை வெளியிட்டுள்ளன. சம்பள கணக்கீடு, வரி கணக்கீடு மற்றும் அதை அரசாங்கத்துக்கு மாற்றுவது போன்ற பணிகள் நிறுவனங்களுக்கு சிக்கலாக மாறும் என்பதே அவர்களின் முக்கிய எதிர்ப்பாகும்.

இதனை எதிர்த்து அந்த அமைப்புகள் பொதுமக்கள் மனுவைத் தொடங்கியிருந்தன. தேவையான எண்ணிக்கையிலான கையெழுத்துகள் சேகரிக்கப்பட்டதைத் தொடர்ந்து, இந்த விவகாரம் 2026 நவம்பர் மாதம் நடைபெற உள்ள மக்கள் வாக்கெடுப்புக்கு கொண்டு செல்லப்படும் என அறிவிக்கப்பட்டுள்ளது. இந்த வாக்கெடுப்பு முடிவின் அடிப்படையிலேயே பாசலில் புதிய ஊதிய வரி முறை அமல்படுத்தப்படுமா என்பது தீர்மானிக்கப்படும்.

© KeystoneSDA