சுவிட்சர்லாந்தின் அப்பென்செல் அவுசெர்ரோடன் கன்டோனில் இரட்டைக் கொலை

சுவிட்சர்லாந்தின் அப்பென்செல் அவுசெர்ரோடன் கன்டோனில் உள்ள உர்நேஷ் பகுதியில் வியாழக்கிழமை காலை இடம்பெற்ற இரட்டை கொலை சம்பவம் குறித்து முதற்கட்ட தகவல்கள் வெளியாகியுள்ளன. இந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.

Kantonspolizei Appenzell Ausserrhoden தெரிவித்ததாவது, 48 வயதுடைய ரஷ்ய வம்சாவளியைச் சேர்ந்த வீட்டு உரிமையாளர் பெண்ணும், அவரை சந்திக்க வந்திருந்ததாக கருதப்படும் இன்னொரு பெண்ணும் கூர்மையான ஆயுதத்தால் தாக்கப்பட்டு உயிரிழந்துள்ளனர். இரண்டாவது பெண்ணின் அடையாளம் இதுவரை அதிகாரப்பூர்வமாக வெளியிடப்படவில்லை.

இந்த சம்பவத்தில், வீட்டின் உரிமையாளரின் 7 வயது சுவிஸ் சிறுமி காயமடைந்து மருத்துவமனைக்கு கொண்டு செல்லப்பட்டுள்ளார். அதே நேரத்தில், குற்றச்செயலில் ஈடுபட்டதாக சந்தேகிக்கப்படும் 23 வயதுடைய துருக்கி நாட்டு இளைஞரும் குத்துக் காயங்களுடன் மருத்துவமனையில் அனுமதிக்கப்பட்டுள்ளார். இருவரின் உயிருக்கும் ஆபத்து இல்லை என்று தெரிவிக்கப்பட்டுள்ளது.

இந்த இளைஞரும் உயிரிழந்த பெண்களும் இடையிலான தொடர்பு குறித்து தற்போது விசாரணை நடைபெற்று வருகிறது. மேலும், இந்த நபர் முன்பே போலீசாருக்கு அறிமுகமானவர் எனவும் தகவல்கள் வெளியாகியுள்ளன.

சம்பவ இடத்திற்கு அப்பென்செல் அவுசெர்ரோடன் கன்டோனல் போலீசாரின் பல குழுக்கள் மற்றும் சிறப்பு பிரிவுகள் விரைந்து சென்றதுடன், அப்பென்செல் இன்னர்ரோடன் கன்டோனல் போலீசாரின் குழுவும் இணைந்து செயல்பட்டது. அவசர மருத்துவ குழுவினரும் நிபுணர் மருத்துவர்களும் உடனடியாக உதவி செய்துள்ளனர்.

சம்பவத்தின் துல்லியமான சூழ்நிலைகளை கண்டறிய அரசு வழக்கறிஞர் அலுவலகத்தின் தலைமையில் விசாரணைகள் தொடங்கப்பட்டுள்ளன. மேலும், கன்டோன் நீதிமருத்துவ நிறுவனம் நிபுணர்கள் இந்த விசாரணைக்கு ஆதரவளித்து வருகின்றனர்.