சுவிட்சர்லாந்தில் சியர் லிஃப்டிலிருந்து விழுந்த நபர் – விசாரணை தொடர்கிறது

Swiss Local News
Nidwalden/Obwalden

5 months ago

Janarthan

சுவிட்சர்லாந்தில் சியர்லிஃப்டிலிருந்து விழுந்த நபர் – விசாரணை தொடர்கிறது

சுவிட்சர்லாந்தின் (Obwalden) ஒப்வால்டன் கன்டோனில் இடம்பெற்ற சியர்லிஃப்ட் விபத்து தொடர்பாக, அந்தக் கன்டோனின் காவல்துறை புதன்கிழமை தகவல் வெளியிட்டுள்ளது. விபத்தில் காயமடைந்த நபர், உடனடியாக (Rega) ரேகா மீட்பு ஹெலிகாப்டர் மூலம் மருத்துவமனைக்கு கொண்டு செல்லப்பட்டதாக காவல்துறை தெரிவித்துள்ளது.

காவல்துறையின் குறிப்பின்படி, அந்த நபர் மற்ற பயணிகளுடன் சேர்ந்து (டிஸ்டெல்போடேன்) Distelboden பகுதியில் இருந்து Erzegg நோக்கி செல்லும் சியர்லிஃப்டில் ஏறியுள்ளார். முதல் தூணை அடைவதற்கு முன்பே, சுமார் எட்டு மீட்டர் உயரத்திலிருந்து அவர் திடீரென கீழே விழுந்ததாக தெரிவிக்கப்பட்டுள்ளது.

இந்த விழுதலுக்கான காரணம் இதுவரை தெளிவாக தெரியவில்லை. இருப்பினும், தொழில்நுட்ப கோளாறு காரணமாக நடந்ததாக எந்த அறிகுறியும் இல்லை என்று காவல்துறை கூறியுள்ளது. சம்பவம் குறித்து விசாரணை தொடர்ந்து நடைபெற்று வருவதால், Keystone-ATS செய்தி நிறுவனத்துக்கு மேலதிக விவரங்களை அதிகாரிகள் வழங்கவில்லை.

மேலும், காயமடைந்த நபரின் உடல்நிலை அல்லது காயங்களின் தன்மை குறித்த தகவல்களும் இதுவரை வெளியிடப்படவில்லை. சுவிட்சர்லாந்தில் பனிச்சறுக்கு மற்றும் மலைப்பகுதி சுற்றுலா பருவங்களில் சியர்லிஃப்ட் பயணங்கள் அதிகமாக இருக்கும் நிலையில், பாதுகாப்பு நடைமுறைகள் குறித்து இந்த சம்பவம் மீண்டும் கவனத்தை ஈர்த்துள்ளது.