Basel நகரில் 5 வயது சிறுமி மீது பாலியல் வன்முறை – சந்தேகநபரை தேடும் பொலிசார்

சுவிட்சர்லாந்தின் Basel நகரில், ஐந்து வயது சிறுமி மீது பாலியல் வன்முறை மேற்கொள்ளப்பட்டதாக பாசல் கன்டோன் போலீசார் உறுதிப்படுத்தியுள்ளது. இந்த சம்பவம் பொதுமக்களிடையே கடும் அதிர்ச்சியையும் கவலையையும் ஏற்படுத்தியுள்ளது.

பொலிசார் வெளியிட்ட தகவலின்படி, இந்தச் சம்பவம் இன்று மதியத்துக்குப் பிறகு, நகரில் உள்ள ஒரு பொது பூங்காவில் நடந்துள்ளது. அங்கு சிறுமியுடன் இருந்த 69 வயதுடைய பெண்ணை முதலில் குறிவைத்த தாக்குதலாளர், அவருக்கு காயங்களை ஏற்படுத்திய பின்னர், சிறுமியை அருகிலுள்ள கழிப்பறைக்குள் இழுத்துச் சென்றதாக கூறப்படுகிறது. அந்தப் பெண் சிறுமியின் பாட்டியாக இருக்கலாம் என சந்தேகிக்கப்படுகின்றது; ஆனால் இதுகுறித்து பொலிசார் அதிகாரப்பூர்வமாக உறுதி செய்யவில்லை.

ஆரம்ப விசாரணைகளின் அடிப்படையில், அந்த நபர் சிறுமி மீது பாலியல் செயலில் ஈடுபட்டதாக பொலிசார் தெரிவித்துள்ளனர். சம்பவத்துக்குப் பிறகு, அவர் அங்கிருந்து தப்பிச் சென்றுள்ளார். பாதிக்கப்பட்ட சிறுமிக்கும், காயமடைந்த பெண்ணுக்கும் மருத்துவ உதவி வழங்கப்பட்டுள்ளதாக தகவல்கள் தெரிவிக்கின்றன.

இந்த கொடூர சம்பவத்தில் தொடர்புடையவர் சுமார் 25 வயதுடைய ஆப்பிரிக்க வம்சாவளியைச் சேர்ந்த ஆண் ஒருவராக இருக்கலாம் என பொலிசார் சந்தேகிக்கின்றனர். அவரது அடையாளத்தை கண்டறியவும், சம்பவத்தின் முழுமையான நிகழ்வுகளைத் துல்லியமாக மீளமைக்கவும், நேரில் பார்த்தவர்களின் வாக்குமூலங்கள் சேகரிக்கப்பட்டு வருகின்றன.

இந்தச் சம்பவம் தொடர்பாக தீவிர தேடுதல் நடவடிக்கைகள் நடைபெற்று வருவதாக Basel நகர பொலிசார் தெரிவித்துள்ளனர். பொதுமக்கள் எச்சரிக்கையுடன் இருக்குமாறும், சம்பவம் குறித்து தகவல் தெரிந்தவர்கள் உடனடியாக பொலிசாரை தொடர்புகொள்ளுமாறும் கேட்டுக்கொள்ளப்பட்டுள்ளது.

© Kapo BL