சுவிட்சர்லாந்து முழுவதும் வாடகை கட்டணம் தொடர்ந்தும் உயர்வு

சுவிட்சர்லாந்து முழுவதும் வீட்டு வாடகை கட்டணங்கள் தொடர்ந்து உயர்ந்து வருவதாக, புதிய புள்ளிவிவரங்கள் தெரிவிக்கின்றன. குறிப்பாக சில கன்டோன்கள் மற்றும் முக்கிய நகரங்களில் இந்த உயர்வு அதிகமாக பதிவாகியுள்ளது.

ஸ்விஸ் மார்க்கெட்ப்ளேஸ் குழுமம் (Swiss Marketplace Group – SMG) வெளியிட்ட தகவலின்படி, சில பகுதிகளில் வாடகை மாற்றங்கள் மாறுபட்டிருந்தாலும், ஆண்டுக்கு ஆண்டு கணக்கில் வாடகை உயர்வு என்ற போக்கு நிலையாக தொடர்கிறது. கடந்த 12 மாதங்களில் சராசரியாக 2.8 சதவீதம் வரை வாடகை கட்டணம் உயர்ந்துள்ளதாக இந்த ஆய்வு கூறுகிறது.

இந்த உயர்வுக்கு முக்கிய காரணமாக கிரௌவுண்டன் கன்டோனில் 10.5 சதவீதம் மற்றும் சூக் கன்டோனில் 8.9 சதவீதம் வாடகை உயர்வு ஏற்பட்டுள்ளதை Swiss Marketplace Group சுட்டிக்காட்டியுள்ளது. சுற்றுலா முக்கியத்துவம் மற்றும் குடியிருப்பு தேவை அதிகரிப்பதே இந்த பகுதிகளில் வாடகை அதிகரிக்கக் காரணமாக இருப்பதாகக் கூறப்படுகிறது.

நகர்ப்புற பகுதிகளிலும் வாடகை உயர்வு கணிசமாக உள்ளது. லூசேர்ன் மற்றும் ஜெனீவா நகரங்களில் தலா 5 சதவீதத்திற்கும் அதிகமான உயர்வு பதிவாகியுள்ள நிலையில், சூரிக் நகரில் 3.4 சதவீதம் வரை வாடகை உயர்ந்துள்ளது.

சுவிட்சர்லாந்தில் குடியேற்றம், வேலை வாய்ப்புகள் மற்றும் நகரமயமாக்கல் அதிகரித்து வரும் நிலையில், வீட்டு வசதி பற்றாக்குறை வாடகை உயர்வுக்கு முக்கிய காரணமாக மாறி வருகிறது. இதனால் நடுத்தர மற்றும் குறைந்த வருமானம் கொண்ட குடும்பங்கள் மீது கூடுதல் பொருளாதார அழுத்தம் உருவாகும் அபாயம் உள்ளதாக நிபுணர்கள் எச்சரிக்கின்றனர்.

© KeystoneSDA