சுவிஸ் காப்பீட்டு துறையில் புதிய பணிநீக்க அறிவிப்பு: ஹெல்வெட்டியா–பலொய்ஸ் குழுமம் 1,800 வேலைவாய்ப்புகளை குறைக்கிறது

சுவிஸ் காப்பீட்டு துறையில் தொடர்ச்சியாக பணிநீக்கங்கள் அறிவிக்கப்படும் சூழலில், புதியதாக உருவான ஹெல்வெட்டியா–பலொய்ஸ் காப்பீட்டு குழுமம் அடுத்த மூன்று ஆண்டுகளில் சுவிஸ் முழுவதும் 1,400 முதல் 1,800 வரை பணியிடங்களை நீக்கவுள்ளதாக புதன்கிழமை அறிவித்துள்ளது. இம்மாதத்தின் தொடக்கத்தில் ஹெல்வெட்டியா நிறுவனம் பலொய்ஸை கையகப்படுத்தியதைத் தொடர்ந்து, இந்த மறுசீரமைப்பு திட்டம் செயல்படுத்தப்படுகிறது.

இந்த அறிவிப்பு, இன்னொரு சுவிஸ் “நிதி நிறுவனமான UBS, 2023-ல் கைப்பற்றிய கிரெடிட் சுய்ஸ் வங்கி ஒருங்கிணைப்பின் காரணமாக சுவிஸ் பிரிவில் 3,000 பணியிடங்களை குறைக்கும் என சில நாட்களுக்கு முன் அறிவித்ததைத் தொடர்ந்து வந்துள்ளது. தொடர்ச்சியாக இடம்பெறும் இந்த பணிநீக்கங்கள் சுவிஸ் வேலைவாய்ப்பு சந்தையில் பெரும் அழுத்தத்தை ஏற்படுத்தும் என நிபுணர்கள் மதிப்பிடுகின்றனர்.

ஹெல்வெட்டியா–பலொய்ஸ் குழுமத்தின் மறுசீரமைப்பு காரணமாக 2026 மற்றும் அதற்கு பின்னரும் சுவிஸ் வேலைவாய்ப்பு கணக்கில் கூடுதல் இழப்புகள் பதிவு செய்யப்படும். காப்பீட்டு, வங்கி, நிதி சேவைகள் உள்ளிட்ட துறைகளில் தானியங்கி மயமும், செலவு குறைப்புத் திட்டங்களும் அதிகரித்துள்ள நிலையில், வேலைவாய்ப்பு பாதுகாப்பு குறித்து சுவிஸ் தொழிலாளர் சங்கங்கள் கவலை வெளிப்படுத்தி வருகின்றன.

இந்தப் புதிய அறிவிப்பு, பொருளாதார மாற்றம் மற்றும் நிறுவன ஒருங்கிணைப்பால் சுவிட்சர்லாந்தின் வேலைவாய்ப்பு சூழலில் உருவாகும் நீண்டகால சவால்களை மேலும் தெளிவுபடுத்துகிறது.

© KeystoneSDA