வாக்கு மோசடி சந்தேகம் :ஜெனீவாவில் இலவச பல் சிகிச்சை முன்மொழிவு முடிவு மாறும் நிலை

ஜெனீவா கண்டோனில் இலவச பல் மருத்துவ சேவையை அறிமுகப்படுத்தும் நோக்கில் சமூகவாதக் கட்சி முன்வைத்த முன்மொழிவு, ஞாயிற்றுக்கிழமை நடைபெற்ற வாக்கெடுப்பில் வெறும் 142 வாக்குகள் வித்தியாசத்தில் மறுக்கப்பட்டது. ஆனால் வெர்னியர் பகுதியில் 200-க்கும் மேற்பட்ட வாக்குச் சீட்டுகள் சந்தேகத்தின் பேரில் விசாரணைக்கு எடுத்துக்கொள்ளப்பட்டதால், முடிவு மீண்டும் அவதானத்திற்கு உள்ளாகியுள்ளது.

வெர்னியரில் வாக்கு பொருட்கள் திருடப்பட்டு போலியாக பூர்த்தி செய்யப்பட்டிருக்கலாம் என்ற குற்றச்சாட்டு எழுந்துள்ள நிலையில், ஆதரவாளர்கள் கூட்டாட்சி அரசுத் தலைமைச்செயலகத்திடம் முழுமையான மறுகணக்கெடுப்பு நடத்துமாறு கோரிக்கை வைத்துள்ளனர். அங்கு நடந்ததாகக் கூறப்படும் மோசடி தனிப்பட்ட பகுதியை மட்டுமல்ல, மொத்த கண்டோன் முடிவையும் பாதித்திருக்கக்கூடும் என்று அவர்கள் வலியுறுத்துகின்றனர்.

மிகக் குறைந்த வாக்கு வித்தியாசம் காரணமாக, சில வாக்குகள் கூட மாற்றப்பட்டிருந்தால் முடிவு திரும்பிப் போகும் வாய்ப்பு இருப்பதாக சமூகவாதக் கட்சி கூறியுள்ளது. சுவிஸில் அஞ்சல் மூல வாக்குப்பதிவு அதிகளவில் பயன்படுத்தப்படுவதால், இத்தகைய மோசடிகள் அரிதானவை என்றாலும், நடந்துள்ள சந்தேகங்களுக்கு தெளிவு தரும் விசாரணை நடக்க வேண்டும் என்பது அனைத்து தரப்பினரின் எதிர்பார்ப்பாக உள்ளது.

இந்த விவகாரம், ஜெனீவாவின் சமூக நல கொள்கைகள் குறித்த தொடர்ச்சியான அரசியல் விவாதத்தையும் மீண்டும் தீவிரப்படுத்தியுள்ளது.

© WRS