சூரிக் கண்டோனில் கோர விபத்து : பலர் படுகாயம்.!! பல மணிநேரம் மூடப்பட்ட வீதி.!

சூரிக் கண்டோனில் உள்ள புலாக் பகுதியில், நவம்பர் 28, 2025 சனிக்கிழமை அதிகாலை நேரத்தில் A51 நெடுஞ்சாலையில் நடந்த கோர விபத்தில் பலர் காயமடைந்தனர். இந்த விபத்துக்குப் பின்னர் நெடுஞ்சாலை பல மணி நேரம் முழுமையாக மூடப்பட்டதால், பயணிகள் பெரும் சிரமத்தை எதிர்கொண்டனர்.

போலீஸ் தகவல்களின் படி, இரவு 11.30 மணியளவில் Hardwald திசையிலிருந்து Kloten நோக்கி இரண்டு கார்கள் பயணித்துக்கொண்டிருந்தன. Bülach-West வெளியேறும் பகுதியில், முன்னணியில் சென்ற கார் திடீரென கட்டுப்பாட்டை இழந்தது. அது முதலில் வலதுபுற பாதுகாப்புக் கம்பியை உரசியது. பின்னர் வெளியேறும் பாதையில் மோதியது. அங்கிருந்து புரண்டு சுவரின் மேல் பாய்ந்து மீண்டும் நெடுஞ்சாலைக்கு விழுந்தது.

பலத்த மோதல் காரணமாக கார் பலமுறை தரம்புரண்டு நொறுங்கிப்போனது. இந்த கடுமையான விபத்தில், புலாக் தீயணைப்பு படையினர் காருக்குள் சிக்கிக் கொண்டிருந்த ஓட்டுநர் மற்றும் இரு பயணிகளை மிகுந்த முயற்சியுடன் மீட்டனர். விபத்தில் காயமடைந்த 18 முதல் 19 வயதினரான மூன்று இளைஞர்களும் நடுத்தர முதல் கடுமையான காயங்களுடன் Winterthur மருத்துவமனை, Zürich மீட்பு சேவை மற்றும் Rega அவசர விமான சேவை மூலம் அருகிலுள்ள மருத்துவமனைகளுக்கு கொண்டு செல்லப்பட்டனர்.

சூரிக் கண்டோன் போலீஸ் மற்றும் Winterthur/Unterland வழக்கறிஞர் அலுவலகம் இணைந்து விபத்து எப்படி நடந்தது, மேலும் விபத்துக்கான உண்மையான ஓட்டுநர் யார் என்பதை கண்டறிய விசாரணையைத் தொடங்கியுள்ளது.  இந்த விபத்துடன் தொடர்புடையதாக கருதப்படும் இரண்டாவது காரில் இருந்த 19 வயதான மூன்று இளைஞர்கள் போலீசால் கைது செய்யப்பட்டுள்ளனர்.

விபத்தால் நெடுஞ்சாலையின் 100 மீட்டருக்கும் மேற்பட்ட பகுதி சேதமடைந்தது. சாலை மேற்பரப்பும் மிகுந்த அழுக்காகி இருந்ததால், Bülach-West இணைப்புப் பகுதியில் A51 நெடுஞ்சாலை இருதிசையும் பல மணி நேரம் மூடப்பட்டு சுத்தம் செய்யும் பணிகள் மேற்கொள்ளப்பட்டது. இந்த விபத்து இளம் ஓட்டுநர்களின் அதிக வேகப் பயணம் மற்றும் ஆபத்தான ஓட்டுநடைமுறைகள் மீண்டும் கவனத்தை ஈர்த்துள்ளது.

® Kapo ZH