சுவிட்சர்லாந்து, 2024 ரயில் பயணத்தில் ஐரோப்பாவை மீண்டும் முன்னிலைநிறுத்தியது

Swiss headline News

6 months ago

Janarthan

சுவிஸ், ஐரோப்பாவின் ரயில் பயணச் சாம்பியன்கள் – மீண்டும்

2024ஆம் ஆண்டில், சுவிட்சர்லாந்து குடிமக்கள் ஒருவர் சராசரியாக 2,519 கிலோமீட்டர் ரயில்பயணம் செய்துள்ளனர் என சுவிஸ் பொதுப் போக்குவரத்து தகவல் சேவை (LITRA) வெளியிட்ட தகவலில் கூறியுள்ளது. 2019ஆம் ஆண்டு பதிவு செய்யப்பட்ட 2,505 கிலோமீட்டர் சாதனையையும் இது மீறியுள்ளது. ஒருவருக்கு சராசரியாக 71 ரயில் பயணங்கள் மேற்கொள்ளப்பட்டுள்ளன.

முந்தைய ஆண்டைவிட ரயிலில் பயணிக்கப்பட்ட தூரம் 2.2 சதவீதமும், பயண எண்ணிக்கை 3.1 சதவீதமும் அதிகரித்துள்ளது. இதன் மூலம், நீண்ட காலமாகத் தொடர்ந்து வரும் போன்று, சுவிட்சர்லாந்து 2024இலும் ஐரோப்பாவின் ரயில் பயண பட்டியலில் முதலிடத்தைத் தக்க வைத்துள்ளது.

சுற்றுச்சூழல் பாதுகாப்பு விழிப்புணர்வு, நேர்த்தியான நேர மேலாண்மை, அடர்த்தியான ரயில் வலையமைப்பு, நம்பகமான சேவை ஆகியவை சுவிஸ் மக்களை ரயிலையே முதன்மையான போக்குவரத்தாகத் தேர்வு செய்யச் செய்த முக்கிய காரணங்களாகக் கருதப்படுகின்றன. நாட்டின் அன்றாட வாழ்க்கை, வேலைப்பயணம், சுற்றுலா என பல துறைகளில் ரயில் முக்கிய பங்கு வகிக்கிறது.