பாசலில் இளைஞர் ஒருவர் கத்தியை காட்டி மிரட்டல் – இரண்டு சந்தேகநபர்கள் கைது

Swiss Local News
Basel

6 months ago

Janarthan

பாசலில் இளைஞர் ஒருவரை கத்தி மிரட்டல் – இரண்டு சந்தேகநபர்கள் கைது

பாசல் நகரில் வெள்ளிக்கிழமை இரவு ஒரு இளைஞர் துரத்தப்பட்டு கொள்ளையிடப்பட்ட சம்பவம் பரபரப்பை ஏற்படுத்தியது. 14 நவம்பர் இரவு சுமார் 11:40 மணிக்கு நடந்த இந்த தாக்குதலில் 19 வயதான இளைஞர் காயமடைந்து மருத்துவமனையில் சேர்க்கப்பட்டார்.

பாதிக்கப்பட்டவர் பொது கழிவறையை விட்டு வெளியேற முயன்றபோது, இரண்டு பேர் அவரை தடுக்க முயன்றதாக விசாரணையில் தெரியவந்துள்ளது. அதில் ஒருவர் கத்தியால் மிரட்டி தாக்கியதும், பின்னர் அவர்கள் பணமும் வங்கிக் கார்டுகளையும் பறித்துச் சென்றதும் போலீஸ் விசாரணையில் தெரிவித்துள்ளது.

சம்பவத்திற்குப் பிறகு உடனடியாக தொடங்கப்பட்ட தேடுதல் நடவடிக்கையின் போது, கண்டோன் போலீஸ் இரு சந்தேகநபர்களையும் கண்டுபிடித்து நிறுத்தி கைது செய்தது. கைது செய்யப்பட்டவர்கள் 24 வயதான ஆப்கான் தேசியத்தவரும் 17 வயதான ஐவரி கோஸ்ட் நாட்டு இளைஞருமாவர்.

காயமடைந்த இளைஞரை கண்டோன் போலீஸ் ரோந்து குழு உடனடியாக மருத்துவமனைக்கு கொண்டு சென்றது. சம்பவம் தொடர்பான மேலான விசாரணைகள் பாசல்-ஸ்டாட் குற்றப்புலனாய்வு பிரிவின் கீழ் தொடர்ந்து நடைபெற்று வருகின்றன.