சுவிஸ்–பிரெஞ்சு இரட்டை குடியுரிமையாளர்கள் இனி சுவிட்சர்லாந்து இராணுவ சேவையை தவிர்க்க முடியாது

சுவிட்சர்லாந்து மற்றும் பிரான்ஸ் இடையே பல ஆண்டுகளாக இருந்த ஒப்பந்தத்தின் காரணமாக, சுவிஸ்–பிரெஞ்சு இரட்டை குடியுரிமையாளர்கள் இதுவரை சுவிட்சர்லாந்தின் கட்டாய இராணுவ சேவையிலிருந்து தப்பிக்க முடிந்தது. பிரான்சில் உள்ள  ‘தற்காப்பு மற்றும் குடியுரிமை நாள்’ எனும் வெறும் தகவல் அமர்வு மட்டுமே — சுவிஸ் இராணுவ சேவையை மாற்றாக ஏற்றுக்கொள்ள வந்தது.

ஆனால் இந்த சட்டப்பிழையை நிறுத்தி, சுவிஸ் இராணுவத்தில் ஆட்சேர்ப்பை அதிகரிக்க வேண்டும் என்று நாடாளுமன்றம் முடிவு செய்துள்ளது. இந்த மாற்றம் அமுல்படுத்தப்பட்டால், இரட்டை குடியுரிமை கொண்ட இளைஞர்கள் சுவிட்சர்லாந்தின் கட்டாய இராணுவக் கடமையிலிருந்து இனி விலக முடியாது.

ஜெனீவா மாநில கவுன்சிலர் மவுரோ பொஜ்ஜியாவின் விளக்கங்களின்படி, ஒவ்வொரு ஆண்டும் சுவிட்சர்லாந்தில் வசிக்கும் 700-க்கும் மேற்பட்ட இரட்டை குடியுரிமையாளர்கள் பிரான்சின் பாதுகாப்பு நாளில் கலந்து கொண்டு சுவிஸ் இராணுவ சேவையை தவிர்க்கின்றனர். இது, மற்ற சுவிஸ் இளைஞர்களுடன் ஒப்பிடும்போது அநீதி என அவர் சுட்டிக்காட்டினார்.

“சுவிஸ் இளைஞர்கள் அனைவரும் கட்டாய இராணுவ சேவையை முடிக்க வேண்டிய நிலையிலும், இரட்டை குடியுரிமை கொண்டவர்கள் வெறும் ஒரு தகவல் அமர்வில் கலந்து கொண்டு கடமையைத் தவிர்ப்பது தெளிவான சமத்துவக்குறைவாகும்” என்று பொஜ்ஜியா தெரிவித்துள்ளார்.

சட்டம் திருத்தப்பட்டால், இரட்டை குடியுரிமை கொண்ட இளைஞர்கள் மற்ற சுவிஸ் குடியுரிமையாளர்களைப் போலவே இராணுவ சேவை அல்லது சிவில் சேவையை நிறைவேற்ற வேண்டிய கட்டாயம் உருவாக உள்ளது. இந்த நடவடிக்கை, நாட்டின் பாதுகாப்பு அமைப்பில் சமமான பொறுப்பு மற்றும் பங்களிப்பை உறுதிப்படுத்தும் முயற்சியாகப் பார்க்கப்படுகிறது.

© KeystoneSDA