பேர்னில் கடை ஊழியரை கத்தியால் மிரட்டி பணம் பறித்த நபர் தப்பி ஓட்டம்

Swiss Local News
Bern

6 months ago

Janarthan

பேர்னில் கடை ஊழியரை கத்தியால் மிரட்டி பணம் பறித்த நபர் தப்பி ஓட்டம்

சுவிட்சர்லாந்தின் பேர்ன் நகரில் உள்ள ஒரு கடையில் கடந்த புதன்கிழமை மாலை நடந்த கொள்ளைச் சம்பவம் தொடர்பாக போலீசார் தீவிரமாக தேடிக்கொண்டிருக்கிறார்கள். போலீசாரின் தகவலின்படி, மாடெர்குட்‌ஸ்ட்ராஸ் பகுதியில் இருக்கும் ஒரு கடைக்குள் சுமார் மாலை 18.10 மணியளவில் ஒருவர் நுழைந்து, அங்கு பணிப்பெண்ணிடம் கத்தியை காட்டு மிரட்டி, அந்த நாள் வசூல் செய்யப்பட்ட பணத்தை கொடுக்கும்படி வேண்டியுள்ளார். பணத்தை பறித்தவுடன் அவர் விரைவாக வெளியேறி, தனது தடயத்தை மறைத்துக்கொண்டு தப்பிச் சென்றார்.

சம்பவத்துக்குப் பிறகு உடனே பேர்ன் போலீசார் தேடுதல் வேட்டை தொடங்கியிருந்தாலும், இந்த நபரை இதுவரை கண்டுபிடிக்க முடியவில்லை. சம்பவம் நடக்கும் நேரத்தில் அவர் கருப்பு நிற காலணிகள், கருப்பு ஜாக்கெட் மற்றும் வெள்ளை கோடுகளுடன் கூடிய கருப்பு ஸ்போர்ட்ஸ் பேன்ட் அணிந்திருந்ததாக போலீசார் தெரிவித்துள்ளனர்.

இந்த வழக்கை மேலும் தெளிவுபடுத்துவதற்காக பேர்ன் கண்டோனல் போலீஸ், Bern-Mittelland பிராந்திய பொது மேல் வழக்கறிஞர் அலுவலகத்தின் வழிகாட்டுதலில் சாட்சிகளை தேடுகிறது. அந்த நேரத்தில் சம்பவ இடத்திற்கருகில் இருந்தவர்கள், சந்தேகமான ஏதாவது கண்டு இருந்தால் அல்லது இந்த நபர் குறித்து பயனுள்ள தகவல் வழங்கக்கூடியவர்கள் நேரடியாக போலீசருடன் தொடர்புகொள்ளுமாறு அவர்கள் கேட்டுக்கொண்டுள்ளனர்.