ஜெனீவாவில் பஸ்தீன ஆதரவு போராட்டம் வன்முறையாக மாறியது – போலீசார் கண்ணீர் புகை பயன்படுத்தினர்

Swiss Local News
Geneva

7 months ago

Janarthan

ஜெனீவாவில் பஸ்தீன ஆதரவு போராட்டம் வன்முறையாக மாறியது – போலீசார் கண்ணீர் புகை பயன்படுத்தினர்

சுவிட்சர்லாந்தின் ஜெனீவா நகரில் செவ்வாய்க்கிழமை இரவு நடைபெற்ற பஸ்தீன ஆதரவு பேரணி கடைசியில் வன்முறையாக மாறி, போலீசாருடன் மோதலாகிப் போனது.

ஆரம்பத்தில், Bel-Air பகுதியில் ஆயிரத்திற்கும் மேற்பட்டோர் ஒன்று கூடி, சுவிஸ் அரசு இஸ்ரேலுக்கு எதிராக தடை விதிக்கவும், காசா பகுதியில் மனிதாபிமான வழிச்சாலையை திறக்கவும் கோரினர். போராட்டம் அமைதியாகவே தொடங்கியது.

ஆனால், இரவு 9.30 மணியளவில் நூற்றுக்கணக்கான போராட்டக்காரர்கள் Cornavin ரயில் நிலையத்துக்குள் நுழைய முயன்றபோது சூழ்நிலை பதற்றமடைந்தது. போலீசார் உடனடியாக அந்த பகுதியை முற்றுகையிட்டனர். போராட்டக்காரர்கள் பட்டாசுகள் மற்றும் பொருட்களை எறியத் தொடங்க, போலீசார் கண்ணீர் புகை வீசி கூட்டத்தை சிதறடித்தனர்.

கண்ணீர் புகை பரவியதால், அருகிலிருந்த கடைகள் அவசரமாக கதவுகளை மூடியன. சுமார் அரைமணி நேரம் நீடித்த இந்த மோதலுக்குப் பிறகு நிலைமை சாந்தமடைந்தது.

போராட்டம் இரவு 10 மணியளவில் கலைந்ததாகவும், பெரிய அளவிலான சேதம் அல்லது காயம் எதுவும் ஏற்படவில்லை என்றும் தகவல்கள் தெரிவிக்கின்றன.

காசா போர் சூழ்நிலை தொடர்பாக சுவிட்சர்லாந்தில் பல இடங்களில் ஆதரவு மற்றும் எதிர்ப்பு ஆர்ப்பாட்டங்கள் நடைபெற்று வருவதால், அதிகாரிகள் பொதுமக்களின் பாதுகாப்பு தொடர்பில் அதிக கவனம் செலுத்தி வருகின்றனர்.