கோதார்ட் சுரங்க நுழைவில் புகுந்த மான் சுட்டுக் கொல்லப்பட்டது

Swiss headline News

7 months ago

Janarthan

கோதார்ட் சுரங்க நுழைவில் புகுந்த மான் சுட்டுக் கொல்லப்பட்டது

சுவிஸ் நாட்டின் ஊரி கன்டோனில் அமைந்துள்ள வாஸ்சென் பகுதியில், ஞாயிற்றுக்கிழமை காலை ஒரு மான் கோதார்ட் சுரங்க நுழைவுப் பகுதியில் புகுந்ததால் போக்குவரத்து குழப்பம் ஏற்பட்டது.

காலை 8 மணியளவில் மான் ஆபத்தான பகுதிக்குள் நுழைந்ததாக காவல்துறைக்கு தகவல் கிடைத்தது. உடனடியாக காவல் துறை மற்றும் வேட்டையாடும் பிரிவு இணைந்து விலங்கினை அங்கிருந்து துரத்த முயன்றனர். ஆனால் மான் அந்த இடத்தை விட்டு செல்ல மறுத்தது.

மூன்று மணி நேர முயற்சிக்குப் பிறகும் மான் அசையாமல் இருந்ததால், போக்குவரத்து பாதுகாப்பிற்கும் விலங்கின் நலனிற்கும் அச்சுறுத்தலாக இருப்பதாக கருதி, காலை 11.45 மணியளவில் வேட்டையாடும் அதிகாரிகள் அதை சுட்டுக் கொன்றனர் என்று உரி காவல்துறை அறிவித்தது.

இதற்கிடையில், பாதுகாப்பு நடவடிக்கையாக கோதார்ட் சுரங்கத்தின் வடக்கு திசை நுழைவாயில் மூடப்பட்டதால், வாகனங்கள் பல கிலோமீட்டர் நீளத்திற்கு நின்றுவிட்டன. மதியத்திற்கு முன் சுரங்கம் மீண்டும் திறக்கப்பட்டதுடன், போக்குவரத்து படிப்படியாக சீரானது.

இந்தச் சம்பவம் சுவிஸ் நாட்டின் மிகப் பிஸியான போக்குவரத்து வழிகளில் ஒன்றான கோதார்ட் சுரங்கத்தில் பெரிய சிரமத்தை ஏற்படுத்தியது.