தஞ்சம் கோரும் அனைவரையும் முடியுமா? சுவிஸ் அரசியல் சூழலில் விவாதம்.!!

சுவிஸ் மக்கள் கட்சி (UDC) தனது புதிய முன்முயற்சியான “தஞ்சம் தொடர்பான துஷ்பிரயோகம் நிறுத்து” என்ற திட்டத்தை வரும் புதன்கிழமை அதிகாரப்பூர்வமாக அறிமுகப்படுத்தவுள்ளது. “சுவிட்சர்லாந்தை பாதுகாக்க வேண்டும், குற்றச்செயல்களுடன் கூடிய குடியேற்றத்தை நிறுத்த வேண்டும்” என்ற கூற்றுகளைப் பயன்படுத்தி கட்சி தனது பிரச்சாரத்தைத் தொடங்கியுள்ளது.

ஆனால், இந்த முன்முயற்சி தீவிர எதிர்ப்பை சந்தித்துள்ளது. சுவிஸ் அகதிகள் உதவி அமைப்பின் (OSAR) இயக்குநர் மிரியம் பெய்ரென்ஸ், ஒவ்வொரு ஆண்டும் சுமார் 20 ஆயிரம் தஞ்சம் கோரிக்கைகள் மட்டுமே வருகின்றன என்றும், அவற்றில் பெரும்பாலானோர் பின்னர் நாட்டை விட்டு செல்லுகின்றனர் என்றும் விளக்கினார். இந்த எண்ணிக்கை சுவிஸ் அதிகாரிகளால் நிர்வகிக்கக்கூடியதாகும் என்று அவர் கூறினார்.

பெய்ரென்ஸ் மேலும், தங்கும் மையங்கள் நிரம்பி நிறைந்திருப்பது உண்மை என்றாலும், தற்போதைய நிலையை மறக்கக்கூடாது என எச்சரித்தார். ஐரோப்பாவின் போர் சூழ்நிலையால், தஞ்சம் தேடுபவர்களுடன் சேர்த்து 70,000க்கும் மேற்பட்ட உக்ரைன் அகதிகள் சுவிட்சர்லாந்தில் தஞ்சமடைந்துள்ளனர்.

அவரது கூற்றுப்படி, UDC வின் முன்முயற்சி நிலையை மேம்படுத்துவதற்குப் பதிலாக மேலும் மோசமாக்கும். எல்லைப் பகுதிகளில் கூடுதல் சோதனைகள் நடத்துவது பிரச்சனையைத் தீர்க்காது என்றும், மக்கள் தங்கள் தாய்நாட்டின் கடின சூழ்நிலையிலிருந்து தப்பியே ஓடுகிறார்கள் என்பதையும் அவர் சுட்டிக்காட்டினார். எல்லைகளை மூடுவதோ திறப்பதோ எந்த மாற்றத்தையும் ஏற்படுத்தாது, எந்த நாடும் தனித்து பிரிந்து நிற்க முடியாது. அதற்குப் பதிலாக, ஐரோப்பிய நாடுகள் இணைந்த ஒரு பொதுத் திட்டம் தேவைப்படுகின்றது என அவர் வலியுறுத்தினார்.

UDC முன்முயற்சியில், “பாதுகாப்பான மூன்றாம் நாடுகள்” வழியாக சுவிட்சர்லாந்து வந்தவர்கள் தஞ்சம் கோர முடியாத வகையில் தடை விதிக்க வேண்டும் என்றும் குறிப்பிடப்பட்டுள்ளது. சுவிட்சர்லாந்து சுற்றியுள்ள அனைத்துப் பகுதிகளும் பாதுகாப்பான நாடுகளாகவே கருதப்படுவதால், இது தஞ்ச உரிமையை முற்றிலும் நீக்கும் முயற்சியாகவே பார்க்கப்படுகிறது.

மேலும், விமானம் மூலமாக வரும் விண்ணப்பதாரர்களுக்கு மட்டுமே தஞ்சம் கோர அனுமதி வழங்கப்படும் என்றும், ஆண்டுதோறும் அதிகபட்சம் 5,000 பேருக்கே தஞ்சம் வழங்கப்படும் என்றும் விதிகள் முன்மொழியப்பட்டுள்ளன.

மேலும், சுவிட்சர்லாந்து எல்லோரும் தஞ்சம் கேட்க வரும்போது அனைவரையும் ஏற்றுக்கொள்ள முடியாது என்பது உண்மை என்றாலும், தற்போதைய எண்கள் மிக அதிகமாக இல்லை. ஆனால், UDC பொதுமக்களிடையே தேவையற்ற அச்சத்தையும் பயத்தையும் தூண்டி, மிகக் கடுமையான நடவடிக்கைகளை கோருகிறது என்று குற்றம்சாட்டினார்.