சூரிச் காவல்துறை எச்சரிக்கை: குழந்தை பாலியல் குற்றவாளிகளை குறிவைத்து வன்முறை புரியும் புதிய போக்கு

சுவிட்சர்லாந்தில் குழந்தை பாலியல் குற்றவாளிகளை குறிவைத்து இளைஞர்கள் தாமாகவே நடவடிக்கை எடுக்க தொடங்கியுள்ள புதிய போக்கு குறித்து காவல்துறை எச்சரிக்கை விடுத்துள்ளது. சமீபத்தில் சூரிச் நகரில் ஆறு இளைஞர்கள் கைது செய்யப்பட்டனர். அவர்கள், சமூக ஊடகங்கள் மூலம் 16 வயதுக்கு குறைவான ஒரு சிறுமியாக நடித்துப் பேசியும், அதன்பின் ஒரு நடுத்தர வயது ஆணை பூங்காவுக்கு அழைத்துச் சென்று தாக்கியதுமாகும்.

இந்த சம்பவம் தனிப்பட்டதாக இல்லை என்று காவல்துறை தெரிவித்துள்ளது. சமூக ஊடகங்களில் பகிரப்பட்டுள்ள பதிவுகளின் மூலம் இதுபோன்ற பல வழக்குகள் நடந்திருக்கின்றன என்பது தெரிகிறது. ஆனால் தாக்குதலுக்குள்ளானவர்கள் தாமே போலீசில் புகார் அளிக்க விரும்பாத காரணத்தால் பல சம்பவங்கள் அதிகாரப்பூர்வமாக பதிவாகவில்லை.

சுவிட்சர்லாந்தைத் தவிர பல்வேறு நாடுகளில் இதுபோன்ற நடவடிக்கைகள் முன்பே நிகழ்ந்திருந்தாலும், இந்நாடு சமீபத்தில்தான் இத்தகைய சம்பவங்களை காணத் தொடங்கியுள்ளது. குறிப்பாக ஜெர்மன் மொழி பேசும் பகுதிகளில் அதிகம் நடைபெறுவதாக அதிகாரிகள் குறிப்பிட்டுள்ளனர்.

காவல்துறை, குற்றங்களை தடுப்பது சட்டத்தின் பொறுப்பு என்றும், தனிநபர்கள் தாமாகவே நீதியெடுக்க முற்பட்டால் அது வன்முறைக்கும் ஆபத்தான விளைவுகளுக்கும் வழிவகுக்கும் என்றும் எச்சரிக்கிறது. குழந்தைகளின் பாதுகாப்பு மிக முக்கியமானதாயினும், சட்டத்தை மீறி செயல்படுவதால் உண்மையான குற்றவாளிகள் தப்பிச் செல்ல வாய்ப்பு இருப்பதுடன், தாக்குதலுக்குள்ளானவர்களின் உரிமைகளும் பாதிக்கப்படலாம்.

சுவிட்சர்லாந்தில் குழந்தைகள் தொடர்பான இணைய குற்றங்கள் குறித்த விழிப்புணர்வு மற்றும் தடுப்பு நடவடிக்கைகள் பல ஆண்டுகளாக நடைபெற்று வருகின்றன. ஆனால் இளைஞர்கள் தாமாகவே “குற்றவாளிகளை வேட்டையாடுவது” போன்று நடந்து கொள்வது சமூகத்தில் புதிய அச்சத்தை ஏற்படுத்தியுள்ளது. காவல்துறை, இத்தகைய விஷயங்களில் சட்டரீதியான முறைகளைப் பின்பற்ற வேண்டும் என வலியுறுத்துகிறது.

© WRS