சட்டவிரோத துப்பாக்கிச் சூடா? கிராபுண்டனில் இறந்த ஓநாய் கண்டெடுக்கப்பட்டது

Swiss Local News
Graubünden

7 months ago

Janarthan

சட்டவிரோத துப்பாக்கிச் சூடா? கிராபுண்டனில் இறந்த ஓநாய் கண்டெடுக்கப்பட்டது

கடந்த திங்கட்கிழமை (செப்டம்பர் 8, 2025), வால் போஸ்சியாவோ பள்ளத்தாக்கில் ஒரு இறந்த ஓநாய் கண்டெடுக்கப்பட்டது. வனவிலங்கு காவலர்களின் ஆரம்ப விசாரணையில், அது துப்பாக்கி குண்டால் கொல்லப்பட்டதாக தெரியவந்தது. இது தொடர்பாக கிராவ்வுன்டன் கன்டோன் காவல்துறை விசாரணையை தொடங்கியுள்ளது.

அந்த இடத்தில் இதுவரை ஓநாய்களை சுட அனுமதி வழங்கப்படவில்லை என்பதால், இது சட்டவிரோதமாக சுட்டுக்கொல்லப்பட்டிருக்கலாம் என்ற சந்தேகம் எழுந்துள்ளது.

இந்த சம்பவத்தின் சூழலை தெளிவுபடுத்த, உள்ளூர் வனவிலங்கு காவலர்கள் கிராவ்வுன்டன் கன்டோன் காவல்துறையுடன் இணைந்து உடனடியாக தேவையான விசாரணைகளை தொடங்கியுள்ளனர். இறந்த ஓநாய் ஆண் வகையைச் சேர்ந்தது. ஓநாயின் உடல், மேலதிக தடயவியல் மற்றும் உயிரியல் ஆய்வுகளுக்காக பெர்னில் உள்ள மீன் மற்றும் வனவிலங்கு மருத்துவ மையத்திற்கு (FIWI) அனுப்பப்பட்டுள்ளது.

இந்த ஆய்வுகள் சம்பவத்தின் நிகழ்வு குறித்த குறிப்புகளை வழங்கும். மரபணு ஆய்வு லவுசான் பல்கலைக்கழகத்தின் உயிரியல் பாதுகாப்பு ஆய்வகத்தில் நடைபெறும்.