சுவிஸ் மாணவர்களின் ஜெர்மன் மொழித் திறன் குறைந்து வருகிறது – ஆய்வுகள் எச்சரிக்கை

சுவிஸ் பள்ளி மாணவர்கள் ஜெர்மன் மொழி தொடர்பான வாசிப்பு, எழுதுதல் மற்றும் உரை புரிதல் திறன்களில் ஆண்டுதோறும் பலவீனமடைந்து வருகிறார்கள் என்பதை பல்வேறு ஆய்வுகள் வெளிப்படுத்துகின்றன.

Tagesanzeiger வெளியிட்ட ஒரு ஆய்வின் படி, சுமார் நான்கில் ஒரு பங்கு சுவிஸ் இளைஞர்கள், «OECD» நிர்ணயித்துள்ள திறன் நிலைக்கு கீழே உள்ளனர் என்று «PISA» ஆய்வு காட்டுகிறது.

ஆரம்பப்பள்ளியில் நிலை கவலைக்கிடம்

குறிப்பாக மூன்றாம் மற்றும் ஐந்தாம் வகுப்புகளில் ஜெர்மன் மொழித் திறன் மிகுந்த வீழ்ச்சியடைந்துள்ளது. இரண்டாம் நிலைப் பள்ளிகளில் நிலை ஓரளவு மேம்பட்டதாக இருந்தாலும், குறைபாடு அங்கேயும் உள்ளது. முன்னாள் ஆசிரியர் ஆண்ட்ரியாஸ் ஐபி கூறுகையில், «ஜெர்மன் மொழித் திறன், பேசும் திறனைத் தவிர, மற்ற எல்லா துறைகளிலும் சரிவு பாதையில் உள்ளது» என்றார்.

ஆண்டுதோறும் நடைபெறும் திறன் பரிசோதனைகள்

அர்காவ், பாசல்-லாண்ட்ஷாப்ட், பாசல்-ஸ்டாட் மற்றும் சொலுத்தூர்ன் போன்ற கண்டோன்களில் ஆண்டுதோறும் «Check-Tests» எனப்படும் தேர்வுகள் நடத்தப்படுகின்றன. «Tamedia» பெற்றுள்ள 2019 முதல் 2024 வரையிலான முடிவுகள், பல வகுப்புகளில் திறன் குறைவு ஏற்பட்டிருப்பதை காட்டுகின்றன.

இந்த ஐந்து ஆண்டுகளில், மாணவர்கள் சராசரியாக 30 புள்ளிகள் இழந்துள்ளனர். இதன் பொருள், 2019 மாணவர்களை ஒப்பிடுகையில் 2024 மாணவர்கள் இரண்டு மூன்றாம் பங்குச் செமஸ்டர் அளவிற்கு கற்றல் இழப்பை சந்தித்துள்ளனர் மொழியில் கவனம் என்ற பரிசோதனையில் மட்டும், கிட்டத்தட்ட ஒரு செமஸ்டர் அளவுக்கு திறன் வீழ்ச்சி ஏற்பட்டுள்ளது.

ஜெர்மன் தாய்மொழி மாணவர்களிடமும் வீழ்ச்சி

இந்த வீழ்ச்சி, குடியேற்றப் பின்னணியுள்ள மாணவர்களுக்கே மட்டுமல்ல; ஜெர்மன் தாய்மொழி பேசும் மாணவர்களிடமும் அதேபோலவே பதிவாகியுள்ளது.

பேர்ன் பல்கலைக்கழகத்தின் கல்வி பொருளாதார நிபுணர் பேராசிரியர் ஸ்டீஃபன் வோல்டர் கூறுகையில்:
«இன்றைய குடியேற்ற மாணவர்கள் முன்னையதை விட சிறந்த கல்வித் தகுதி பெற்றுள்ளனர். ஆனால் கடந்த இருபது ஆண்டுகளில், அதிக அளவில் சுவிஸ் தாயக மாணவர்களே பலவீனமடைந்துள்ளனர்» என்றார். சமூகச் சீர்கேடு (Soziale Benachteiligung) கூட முக்கிய காரணமாகக் குறிப்பிடப்படுகிறது.

ஆண்ட்ரியாஸ் ஐபி மேலும், «இந்த மாற்றங்கள் இப்போது தெளிவாக உணரப்படுகின்றன; ஒருமுறை திறன் இழந்தால், அதை இரண்டாம் நிலைப் பள்ளியில்கூட திருப்பிக் கொள்வது சாத்தியமில்லை. சமூகமாக நாம் உண்மையிலேயே ‘மிதந்து கொண்டிருக்கிறோம்’» என்று எச்சரித்தார்.