சுவிஸ் பயணிகளுக்கு புதிய சலுகை ரயில் டிக்கெட் அறிமுகம்

Swiss headline News

9 months ago

Janarthan

சுவிஸ் பயணிகளுக்கு புதிய சலுகை ரயில் டிக்கெட் அறிமுகம்

சுவிஸ் தேசிய ரயில்வே நிறுவனம் (SBB) மற்றும் SwissPass கூட்டமைப்பு, “Sparbillett Flex” ( ‘ஸ்பார் பிலெட் பிளெக்ஸ்) என்ற புதிய சலுகை டிக்கெட்டை அறிமுகப்படுத்தியுள்ளது. இது குறிப்பிட்ட ரயில்களுக்கு மட்டுமே செல்லுபடியாகும், ஆனால் முழுவதுமாக டிஜிட்டல் வடிவில், மொபைல் ஆப் அல்லது ஆன்லைன் கடையில் வாங்கக்கூடியது.

பொதுவான சேவர் டிக்கெட்டுகளைப் போலல்லாமல், இந்த பிளெக்ஸ் டிக்கெட்டை பயணிகள் தாமாகவே, எந்த காரணமும் தெரிவிக்காமல், புறப்படும் நேரத்திற்கு முன் ரத்து செய்து, 50% பணத்தை திரும்பப் பெறலாம் என்று SwissPass செவ்வாய்க்கிழமை அறிவித்தது.

முன்பு, சேவர் டிக்கெட்டுகள் குறிப்பிட்ட ரயில் மற்றும் நேரத்திற்கு மட்டுமே செல்லுபடியாக இருந்ததால், அவற்றை ரத்து செய்வதும், பணத்தைத் திரும்பப் பெறுவதும் அரிதாக இருந்தது.

இந்த புதிய திட்டம், “பயணிகள் குறைந்த செலவில், ஆனால் திடீர் முடிவுகளுடன் பயணிக்க வசதியாகவும், பொது போக்குவரத்தை மேலும் ஈர்க்கக்கூடியதாகவும் மாற்ற” உருவாக்கப்பட்டதாக SwissPass தெரிவித்துள்ளது.

மேலும், இத்தகைய சலுகைகள், பயணிகள் எண்ணிக்கையை சமமாகப் பகிர்ந்து, குறைவாகப் பயன்படுத்தப்படும் ரயில் பாதைகளின் பயன்பாட்டை அதிகரிக்கவும் உதவுகின்றன.