கொத்தார்ட் சுரங்கத்தில் போக்குவரத்து நெரிசல்: பயணிகளுக்கு பொறுமை அவசியம்

கடந்த சில நாட்களாக போக்குவரத்து அறிக்கைகளைப் பார்த்தால், ஒவ்வொரு நாளும் வாகன நெரிசல் தொடர்கிறது என்பது தெளிவாகிறது. டூரிங் கிளப் சுவிஸ் சனிக்கிழமை அறிவித்தபடி, கொத்தார்ட் சுரங்கத்தின் இரு திசைகளிலும் பயணிகள் பொறுமையாக இருக்க வேண்டிய நிலை உள்ளது.

காலை 4 மணி முதல், கோஷெனனில் உள்ள நெடுஞ்சாலை நுழைவு வாயில், அதிகப்படியான போக்குவரத்து காரணமாக மூடப்பட்டது. ஃப்ளூயெலனில் இருந்து கோஷெனனுக்கு செல்லும் கன்டோன் சாலையிலும், வாகன நெரிசல் காரணமாக பயண நேர இழப்பு ஏற்பட்டது. மதியத்திற்கு மேல், A2 நெடுஞ்சாலையில் வாகன வரிசை படிப்படியாகக் குறைந்து, முதலில் 15 கிலோமீட்டராகவும், இரண்டரை மணி நேர காத்திருப்பு நேரமாகவும் இருந்தது. பிற்பகல் தாமதமாக, TCS – ஐந்து கிலோமீட்டர் நெரிசலை மட்டுமே பதிவு செய்தது.

எதிர் திசையிலும் நெரிசல்

சுரங்கத்தின் தெற்கு நுழைவாயிலில், குயிண்டோ மற்றும் ஐரோலோ இடையே, காலை ஆறு கிலோமீட்டர் நீளமுள்ள வாகன வரிசை உருவானது. இது சுமார் ஒரு மணி நேர காத்திருப்பு நேரத்தை ஏற்படுத்தியது.

மாற்று வழியாக, TCS ஆனது A13 வழியாக சான்-பெர்னார்டினோ சுரங்கத்தை பயன்படுத்த பரிந்துரைத்தது. இருப்பினும், அங்கும் காலையில் கூர் தெற்கு மற்றும் ரோதன்ப்ருன்னன் இடையே தற்காலிகமாக நெரிசல் ஏற்பட்டது, இதனால் பயணிகள் கூடுதலாக 15 நிமிடங்கள் காத்திருக்க வேண்டியிருந்தது. இவ்வாறான போக்குவரத்து நெரிசல்களுக்கு தங்களை தயார்படுத்திகொண்டு தங்களது பயணங்களை மேற்கொள்ளுமாறும் போக்குவரத்து நெரிசல்களின் போது ஏற்படும் காலதாமத்தில் பொறுமையை கடைப்பிடிக்குமாறும் கேட்டுக்கொள்ளப்பட்டுள்ளது.