கோடை விடுமுறை தொடங்கியதும் சுவிட்சர்லாந்தின் முக்கியமான போக்குவரத்து வழிகளில் ஒன்றான கோத்தார்ட் சுரங்கம் முன், சனிக்கிழமை அதிகாலை முதல் பெரும் வாகன நெரிசல் ஏற்பட்டது. ஊரி (Uri) மாநிலத்தின் எர்ஸ்ட்ஃபெல்ட் (Erstfeld) மற்றும் கோஷனென் (Göschenen) இடையே சுமார் 11 கிலோமீட்டர் நீளமான வாகன வரிசை ஏற்பட்டதாக TCS (Touring Club Switzerland) தெரிவித்தது. வாகனங்கள் கோத்தார்ட் சுரங்கம் நோக்கிச் செல்ல சுமார் இரண்டு மணி நேரம் காத்திருக்க வேண்டிய நிலை ஏற்பட்டது.

மதியம் வரை இந்த நெரிசல் குறைவடையாமல் இருந்ததாக தெரிவிக்கப்பட்டுள்ளது.. அம்ஸ்டெக் (Amsteg) மற்றும் கோஷனென் இடையே நெரிசல் ஆறு கிலோமீட்டர் நீளமாக இருந்து, பயணிகள் ஒரு மணி நேரம் வரை காத்திருக்க வேண்டிய நிலை ஏற்பட்டது. தெற்குப் பகுதியில், டிசினோ மாநிலத்தின் குயின்டோ (Quinto) மற்றும் ஐரோலோ (Airolo) ஓய்வுவிடுதி இடையேவும் நெரிசல் ஏற்பட்டது. மதியம் நேரத்தில் பயணிகள் சுமார் 20 நிமிடங்கள் காத்திருக்க வேண்டியிருந்தது.

மேலும் தெற்கில், இத்தாலி எல்லையிலுள்ள கியாசோ-ப்ரோகெடா (Chiasso-Brogeda) எல்லைச் சோதனைப் பகுதியில் பயணிகள் சுமார் 20 நிமிடங்கள் காத்திருந்தனர். மேலும் ஒரு முக்கிய சாலை வழியான நீட்வால்டன் (Nidwalden) மாநிலத்திலுள்ள புஒக்ஸ் (Buochs) மற்றும் லூசேர்ன் ஏரிக்கு அருகிலுள்ள சீலிஸ்பெர்க் (Seelisberg) சுரங்கம் வரை பெரிய நெரிசல் ஏற்பட்டது. இதில் ஒரு பாதை மூடப்பட்டதால், பயணிகள் சுமார் 25 நிமிடங்கள் இழந்தனர்.

இந்த நெரிசல் வெறும் சனிக்கிழமை அன்று மட்டுமல்ல, வெள்ளிக்கிழமை இரவு முதலே தொடங்கியதாக வியாசுயிஸ் (Viasuisse) தகவல் தெரிவித்தது. அந்த இரவில் 2–3 கிலோமீட்டரளவுக்கு வாகன நெரிசல் இருந்தது. காலை 4 மணிக்குப்பின் வாகன ஓட்டம் திடீரென அதிகரித்தது. அதிகாலையில் நெரிசல் 10 கிலோமீட்டர் வரை நீண்டது.

இந்த நிலைமையைத் தவிர்க்க, சூரிச் மற்றும் அதன் சுற்றுவட்டப் பகுதிகளில் இருந்து பயணிக்க விரும்பும் பயணிகள், சான் பெர்னார்டினோ (San Bernardino) சுரங்கம் வழியாக செல்கும் A13  HighWay யை பயன்படுத்த வேண்டும் என போக்குவரத்து அதிகாரிகள் பரிந்துரை செய்துள்ளனர். ஏனெனில், சூரிச் மற்றும் பிற மாநிலங்களில் கடந்த வாரம் அல்லது ஜூன் மாத இறுதியில் பள்ளி விடுமுறைகள் தொடங்கிவிட்டன என்பது குறிப்பிடத்தக்கது.

@Keystone-SDA.