📢 சுவிஸில் ஞாயிற்றுக்கிழமைகளில் கடைகள் திறக்க அனுமதி: சுவிஸ் பாராளுமன்றத்தில் முக்கிய முடிவு

சுவிட்சர்லாந்தில் வர்த்தகத் துறைக்கு முக்கிய வெற்றி! சூரிச் மாநிலத்தின் முன்முயற்சியாக முன்வைக்கப்பட்ட, ஒவ்வொரு ஆண்டும் 12 ஞாயிற்றுக்கிழமைகளில் கடைகளை திறக்க அனுமதிக்கும் சட்ட திருத்தத்திற்கு, தேசிய சபை மற்றும் மாநிலங்களவை பொருளாதார மற்றும் வரி விவகாரக் குழுக்கள் (Economic Affairs and Taxes Committee) ஒப்புதல் அளித்துள்ளன.

இந்த முடிவை பாராளுமன்ற உறுப்பினர்களின் பெரும்பான்மை ஆதரிக்க காரணம், மக்கள் வாழ்க்கைமுறையில் ஏற்பட்டுள்ள புதிய தேவைகள் மற்றும் வேலை நேரங்களில் ஏற்பட்ட மாற்றங்கள் ஆகும். பொதுமக்கள் பெரும்பாலானவர்கள் வார நாட்களில் வேலைபார்க்கும் சூழ்நிலையில், ஞாயிற்றுக்கிழமைகளில் கூட கடைகள் திறந்திருப்பது வசதியாக இருக்கும் என்பது வணிகர்களின் கோரிக்கை ஆக உள்ளது.

“நவீன வாழ்க்கைமுறையை எதிர்கொள்ள, சில்லறை வணிகத் துறைக்கு சுதந்திரமும் போட்டித் திறனும் தேவை,” எனக் குழு தெரிவித்துள்ளது.

இந்த புதிய சட்ட திருத்தம் Swiss Labour Act-இல் ஒரு முக்கிய மாற்றமாக இருக்கும். இது வணிக நிறுவங்களுக்கு நேர்த்தியான வேலைநேரம், சுழற்சி அடிப்படையிலான ஞாயிறு திறப்புகள் போன்ற வசதிகளை ஏற்படுத்தும். இது மூலம், உள்நாட்டு வணிகத் துறையின் போட்டித்திறனை அதிகரிக்க முடியும் என அரசு நம்புகிறது.

இந்த முன்முயற்சி தொடர்பான முன்திட்டம் (Preliminary Draft) 2025 ஆகஸ்ட் மாதம் மத்தியில் பொதுக்கூட்டத்திற்காக வெளியிடப்படும். அதன் பிறகு இது முழுமையாக சட்டமாக அமையும் வாய்ப்பு உள்ளது.

@Keystone SDA