சுவிட்சர்லாந்து ரயில் பாதையில் சிக்கல்: சூரிச் – லூசெர்ன் பயணிகளுக்கு நடந்த விபரீதம்

2025 ஜூலை 2-ஆம் தேதி காலை, சூரிச்சிலிருந்து லூசெர்ன் நோக்கிச் செல்லும் முக்கிய ரயில் பாதையில் ஏற்பட்ட தொழில்நுட்ப கோளாறு பல்வேறு தாமதங்கள் மற்றும் சேவைகள் ரத்து செய்யப்படுவதற்கான காரணமாகியுள்ளது. சுவிஸ் தேசிய ரயில்வே நிறுவனம் (SBB) வெளியிட்ட அறிவிப்பில், இந்த பாதைத் தடை 2-ஆம் தேதி மதியம் 12 மணிக்கு வரை நீடித்ததாக குறிப்பிட்டுள்ளது.

ஆனால் தற்போது பாதை மீண்டும் செயல்பாட்டுக்கு வந்துள்ளதாலும், இன்னும் சில தாமதங்கள் மற்றும் ரத்து செய்யப்படும் சேவைகள் எதிர்பார்க்கப்படலாம் என எச்சரிக்கை விடுக்கப்பட்டுள்ளது.

இந்த பாதைத் தடை ஏற்பட காரணமானது, ஒரு இரட்டை ரயிலில் ஏற்பட்ட **பிரேக் பிரச்சனை** தான் என தெரியவந்துள்ளது.. SBB தெரிவித்ததன்படி, அவசரகால நடவடிக்கையாக, இரண்டாவது ஓட்டுனர் வந்து ரயிலை இரண்டாக பிரித்து தனித்தனியாக நகர்த்தும் முயற்சி மேற்கொள்ளப்பட்டது. கூடுதலாக, ஒரு **மீட்பு ரயிலும்** (Evakuierungszug) சம்பவ இடத்திற்கு அனுப்பப்பட்டது.

இந்த சிக்கலால் **Horgen Oberdorf மற்றும் Baar** இடையே உள்ள ரயில் போக்குவரத்து முற்றாக இடைநிறுத்தப்பட்டது.  இதற்காக மாற்று வழிகளையும் SBB பரிந்துரை செய்து பயணிகளுக்கு அறிவித்தல் விடுத்திருந்ததது. ஒரு பயணி கூறுகையில், “மொத்தம் இரண்டு மணி நேரத்திற்கு மேல் காத்திருந்தபோதிலும், நான்கு பேருந்துகள் மட்டுமே வந்தன. இது மிகவும் மோசமாக அமைக்கப்பட்டது,” என குறிப்பிட்டார். “நான் நேரத்திற்கு முன்னே வந்து இருந்தும், ரயில் ரத்து ஆகிவிட்டது என அவர் மேலும் கூறினார்,

சில பயணிகள் தற்போது **SBB வலைதளத்தின் மூலம் கட்டணத் திருப்பிச் செலுத்தும்** வாய்ப்பை ஆராய்ந்து வருகின்றனர். SBB வலைத்தளத்தில் உங்கள் டிக்கெட்டுக்கு மீள்கட்டணம் பெற வழிமுறைகள், மற்றும் கட்டாய தகவல்கள் குறிப்பிடப்பட்டுள்ளன.