ஆர்காவ் மாகாணத்தில் கொட்டகையில் தீ விபத்து.!!

ஏப்ரல் 11, 2025 வெள்ளிக்கிழமை மாலை, ஆர்காவ் மாகாணத்தில் உள்ள ஒரு சிறிய நகரமான (tagerig) டாகெரிக்கில் உள்ள ஒரு கொட்டகையில் தீ விபத்து ஏற்பட்டது. பெர்க்ஸ்ட்ராஸில் (Bergstrasse) அமைந்துள்ள கொட்டகை, மாலை 6:00 மணியளவில் அவசர சேவைகள் எச்சரிக்கப்படும்போது ஏற்கனவே முழுமையாக தீப்பிடித்து எரிந்து கொண்டிருந்தது.

தீயணைப்பு வீரர்கள் விரைவாக வந்து, அருகிலுள்ள கட்டிடத்திற்கு தீ பரவுவதற்கு முன்பே தீயை கட்டுக்குள் கொண்டு வந்தனர்.  சம்பவ இடத்திற்கு அருகில் இருந்த ஒருவருக்கு  புகையை சுவாசித்தமையால் ஏதாவது பாதிப்பு உள்ளதா என்பது தொடர்பில் அவசர மருத்துவ ஊழியர்கள் பரிசோதித்தனர். அதிர்ஷ்டவசமாக, கடுமையான காயங்கள் எதுவும் ஏற்படவில்லை, வேறு யாருக்கும் எந்த பாதிப்பும் ஏற்படவில்லை.

உள்ளே சேமித்து வைக்கப்பட்டிருந்த கருவிகள் மற்றும் உபகரணங்களுடன் கொட்டகையும் தீயில் முற்றிலுமாக அழிக்கப்பட்டது. ஆரம்பகட்ட விசாரணைகளின்படி, தீ விபத்து ஏற்பட்டதற்கான காரணம், கொட்டகையின் உள்ளே அல்லது அருகில் மேற்கொள்ளப்பட்ட வேலைகளின் விளைவாக இருக்கலாம் என தெரிவிக்கப்படுகிறது.

இருப்பினும், சரியான காரணம் குறித்து ஆர்காவ் கன்டோனல் போலீசார் இன்னும் விசாரித்து வருகின்றனர். தீ விபத்து எப்படி ஏற்பட்டது, பாதுகாப்பு விதிகள் பின்பற்றப்பட்டதா என்பதைப் புரிந்துகொள்ள அவர்கள் அந்த இடத்தை மேலும் ஆய்வு செய்வார்கள். சம்பவ இடத்தில் சிகிச்சை பெற்ற நபரின் பெயரை அதிகாரிகள் வெளியிடவில்லை, மேலும் சேத மதிப்பீடுகள் இன்னும் பகிரங்கப்படுத்தப்படவில்லை என்பதும் குறிப்பிடத்தக்கது.