சூரிச் கன்டோனிலுள்ள 6 ரயில் நிலையங்களில் ஏற்படப்போகும் அதிரடி மாற்றம்.

Swiss Local News
Zurich

2 years ago

Janarthan

சூரிச் கன்டோனிலுள்ள 6 ரயில் நிலையங்களில் ஏற்படப்போகும் அதிரடி மாற்றம். சுவிஸ் தேசிய ரயில்வே (SBB) சூரிச் கன்டோனில் உள்ள பல நகரங்களின் ரயில் நிலையத்தில் செயற்படும் பல கவுன்டர்களை மூடுவதாக அறிவித்துள்ளது.

ஜனவரி 1, 2025 அன்று முதல் Andelfingen, Bauma, Bubikon, Dielsdorf, Pfäffikon ZH மற்றும் Wald ரயில் நிலையங்களில் உள்ள கவுண்டர்களை சுவிஸ் தேசிய ரயில்வே மூடுகிறது.. இந்த இடங்களில் மிகக் குறைந்த பயணிகள் மற்றும் டிக்கெட் விற்பனை இடம்பெற்று வருவதாலும் பயணிகள் ஆன்லைனில் டிக்கெட்டுகளை கொள்வனவு செய்வதாலும் இந்த முடிவு எட்டப்பட்டுள்ளதாக தெரிவிக்கப்படுகிறது.

ஜூலை 1, 2022 நிலவரப்படி, சூரிச் பகுதியில் உள்ள Dietlikon, Hinwil, Kloten, Männedorf மற்றும் Oberwinterthur ரயில் நிலையங்களில் உள்ள கவுண்டர்களை SBB மூடியது. அப்போதும் கூட, 95 சதவீத டிக்கெட் வாங்குதல்கள் டிஜிட்டல் மற்றும் பிற சுய சேவை சேனல்கள் மூலம் நடைபெறுவதாக அவர்கள் சுட்டிக்காட்டினர்.

பல்வேறு சேனல்கள் வழியாக டிக்கெட்டுகளை வாங்குவது “எளிதில் சாத்தியம்” என்று SBB தனது அறிவிப்பில் எழுதியது. மேலும் அவர்கள் 2022 ஆம் ஆண்டு முதல் சூரிச் பிராந்தியத்தில் உள்ள நடுத்தர மற்றும் பெரிய பயண மையங்களை புதுப்பித்து வருவதையும் வாடிக்கையாளர்களின் தேவைக்கு ஏற்ப மாற்றியமைப்பதையும் அவர்கள் சுட்டிக்காட்டுகின்றனர்.