ஜெனீவாவின் மேல்நிலைப் பள்ளிகளில் மொபைல் போன்கள் முற்றிலுமாக தடை

புதிய கல்வியாண்டின் தொடக்கத்திலிருந்து ஜெனீவாவின் மேல்நிலைப் பள்ளிகளில் மொபைல் போன்கள் முற்றிலுமாக தடை செய்யப்படும். மாணவர்களின் கல்வித் தரம், மனநலம் மற்றும் சமூக உறவுகளை மேம்படுத்தும் நோக்கில், பொதுத் கல்வித்துறை (DIP) பள்ளிகளில் மொபைல் போன்கள் பயன்படுத்துவதை முழுமையாகத் தடை செய்யும் புதிய நடவடிக்கையை அறிவித்துள்ளது.

முதற்கட்டமாக, தொடக்க நிலைப் பள்ளிகளில் ஏற்கனவே மொபைல் பயன்படுத்த தடை இருந்தது. மூலப்பள்ளிகளில் பகுதி தடை இருந்த நிலையில், தற்போதுபொதுத் கல்வித்துறை, அனைத்து நிலைகளிலும் முழுமையான மொபைல் தடை விதிக்க முடிவெடுத்துள்ளது.

பள்ளி இடைவெளிகளில் மற்றும் பாட முன் நேரங்களில் விதிகள் மாறுபடும் என்பதால், பொதுத் கல்வித்துறை தற்போது ஒற்றுமையான தண்டனை விதிமுறைகளை அறிமுகப்படுத்துகிறது. இதில்:

• மொபைல் கைப்பற்றுதல்
• பாதி நாள் பள்ளி வகுப்பிலிருந்து விலக்கு

போன்ற தண்டனைகள் உள்ளடங்கும்.

வகுப்பில் டிஜிட்டல் சாதனங்கள் அனுமதி இல்லை

மாணவர்களின் தனிப்பட்ட டிஜிட்டல் சாதனங்கள் (smartphones, tablets) வகுப்பில் அனுமதிக்கப்படாது. ஆனால், தனிப்பட்ட கல்விப் பயிற்சிகளுக்காக சில நேரங்களில் ஆசிரியர் அனுமதிக்கலாம்.

இந்த நடவடிக்கையின் நோக்கம் மாணவர்களை குற்றவாளியாக காட்டுவதல்ல, அவர்களை பாதுகாப்பது, குடும்பங்களுக்குத் தகவலளிப்பது, மற்றும் இணைய பொறுப்புணர்வை வளர்த்தல் என பொதுத் கல்வித்துறை விளக்கியது.

பிரஞ்சு பேசும் சுவிஸ் மற்றும் டிசினோ மாநிலங்களின் கல்வித் துறை மாநாடு (CIIP) சமீபத்தில் மொபைல் பயன்படுத்தும் விதிமுறைகளை ஒற்றுமையாக வகுத்துள்ளது. அதன் படி, பள்ளி நேரத்தில் மற்றும் இடைவெளி நேரத்திலும், மொபைல்களை அணைத்து, ஆசிரியரிடம் ஒப்படைக்க வேண்டும் விதி பின்பற்றப்படுகின்றமையும் குறிப்பிடத்தக்கது.

Keystone / Christian Beutler / SwissInfo