சூரிச்சில் நாய்களை கடத்தி 1 மில்லியன் கப்பம் கோரியவர்கள் கைது.!!

பிப்ரவரி தொடக்கத்தில் (Schlieren) ஷ்லிரெனில் உள்ள அடுக்குமாடி குடியிருப்பில் இருந்து இரண்டு நாய்களைத் திருடியதாக குற்றம் சாட்டப்பட்ட இரண்டு ஆண்கள் சூரிச் கன்டோனல் காவல்துறை மற்றும் சூரிச்-லிம்மாட் அரசு வழக்கறிஞர் அலுவலகத்தால் கைது செய்யப்பட்டனர். விலங்குகளை திருப்பித் தருவதற்கு ஒரு மில்லியன் பிராங்குகளை அவர்கள் கப்பமாக கேட்டதாக குற்றம் சுமத்தப்பட்டுள்ளது.

பிப்ரவரி 24 ஆம் தேதி, ஒரு திங்கட்கிழமை மாலை, 59 வயதான சுவிஸ் நபர் கன்டோனல் பொலிஸில் புகார் அளித்தார். மற்றும் அவரது இரண்டு நாய்கள் அவரது குடியிருப்பில் இருந்து காணாமல் போனதாக தெரிவித்தார். புலனாய்வாளர்கள் குடியிருப்பில் ஒரு மிரட்டல் கடிதத்தை கண்டுபிடித்தனர், அதில் குற்றவாளிகள் நாய்களை விடுவிக்க ஒரு மில்லியன் பிராங்குகள் கோரினர்.

உடனடியாக போலீசார் தீவிர விசாரணையில் இறங்கினர். பிப்ரவரி 27 அன்று, புலனாய்வாளர்கள் சூரிச் விமான நிலையத்தில் நாட்டை விட்டு வெளியேறவிருந்த 30 வயது நோர்வே நாட்டைச் சேர்ந்த ஒருவரைக் கைது செய்ய முடிந்தது.

அவர்களின் சொந்த அறிக்கைகளின்படி, மேலும் தடயங்கள் புலனாய்வாளர்களை போலந்திற்கு அழைத்துச் சென்றன, நாய்களைத் திருடியதில் ஈடுபட்டிருக்கலாம் என்று கருதப்படும் 38 வயது போலந்து நபரிடம் அங்கு விசாரணை நடாத்தப்பட்டது. இதன் அடிப்படையில் கடந்த புதன்கிழமை மாலை, போலந்து போலீசார் அந்த நபரைக் கைது செய்து கடத்தப்பட்டதாக கருதப்படும் இரண்டு நாய்களை போலத்திலுள்ள அதன் உரிமையாளரிடம் ஒப்படைத்தனர்.

30 வயதான நோர்வேஜியன் மீது Zurich-Limmat அரசு வழக்கறிஞர் அலுவலகம் குற்றஞ்சாட்டப்பட்டு தற்போது காவலில் வைக்கப்பட்டுள்ளார். போலந்து சந்தேக நபருக்கு எதிரான மேலதிக விசாரணைகள் போலந்தில் தொடர்கின்றன என்பதும் குறிப்பிடத்தக்கது.

(dsc)