சுவிட்சர்லாந்து நாடாளுமன்றம் பரம்பரை வரி முன்மொழிவை நிராகரித்தது

சுவிட்சர்லாந்து நாடாளுமன்றத்தின் இரு அவைகளிலும் உள்ள நாடாளுமன்ற உறுப்பினர்கள், 50 மில்லியன் சுவிஸ் பிராங்குகளுக்கு மேல் மதிப்புள்ள பரம்பரைச் சொத்துகளுக்கு உயர்ந்த வரி விதிக்கும் முன்மொழிவை நிராகரித்துள்ளனர். இந்த முன்மொழிவு, சோசலிஸ்ட் இளைஞர் பிரிவினரால் (Socialist Youth division) முன்வைக்கப்பட்டது, இது சோசியல் டெமாக்ரடிக் கட்சியின் ஒரு பிரிவாகும்.

அவர்கள் முன்மொழிந்ததின் அடிப்படையில், 50 மில்லியன் சுவிஸ் பிராங்குகளுக்கு மேல் மதிப்புள்ள பரம்பரைச் சொத்துகளுக்கு கூடுதல் வரி விதிக்கப்பட வேண்டும். இந்த வரியிலிருந்து கிடைக்கும் வருவாயை, சுற்றுச்சூழல் பாதுகாப்பு மற்றும் காலநிலை மாற்ற தடுப்பு நடவடிக்கைகளுக்காக பயன்படுத்தப்பட வேண்டும் எனக் கூறப்பட்டது.

ஆனால், இந்த வாரம் நடைபெற்ற இரு சபைகளின் (தேசிய சபை மற்றும் மாநில சபை) வாக்கெடுப்பில், பெரும்பான்மையால் இந்த முயற்சி நிராகரிக்கப்பட்டது. பாராளுமன்ற உறுப்பினர்கள் இதை மறுத்ததற்கான முக்கிய காரணமாக  இந்த வகை புதிய வரி சட்டம் சுவிட்சர்லாந்தை உலகளாவிய முறையில் செல்வந்தர்களுக்குப் பிடிக்காத இடமாக மாற்றிவிடும் என்று அவர்கள் எண்ணியதுதான்.

தற்போது ஏற்கனவே அந்தக் குழுவினரே கூட்டாட்சி, மாநிலம் மற்றும் நகராட்சி வருவாய்களில் பெரிய பங்கு கொடுத்து வருகின்றனர் என்று கூறி இந்த வரிக்கு எதிர்ப்பு தெரிவித்தனர். இதனால், இந்த வரி சட்டத்தை ஆதரிக்கும் நடவடிக்கைகள் இப்போது நிறுத்தப்பட்டுள்ளன. இது செல்வந்த உரிமையாளர்களை காப்பதற்கான ஒரு அரசியல் முடிவாகவும், ஆனால் சுற்றுச்சூழலுக்காக போராடும் இயக்கங்களுக்கு ஒரு பின்னடைவாகவும் பார்க்கப்படுகிறது.

@KeystoneSDA