பெர்னில் அமெரிக்க தூதரக பாதுகாப்பு மேம்பாட்டுக்கு 36 மில்லியன் ஃப்ராங்க்

சுவிட்சர்லாந்தின் தலைநகர் பெர்னில் உள்ள அமெரிக்க தூதரகத்தை புதுப்பிக்கும் பணிக்காக 36 மில்லியன் சுவிஸ் ஃப்ராங்க் (CHF 36m) செலவிடப்படுமென அமெரிக்க அரசு உறுதிப்படுத்தியுள்ளது. இந்த புதுப்பிப்பு திட்டம் பெரும்பாலும் பாதுகாப்பு ஏற்பாடுகளை வலுப்படுத்துவதற்காக மேற்கொள்ளப்படுவதாக தெரிவிக்கப்பட்டுள்ளது.

திட்டத்தின் கீழ் தூதரக வளாகத்தில் வெளிப்புற ஒளியமைப்பு மேம்படுத்தப்படும். மேலும் புதிய காவல் நிலையக் கூடம் அமைக்கப்படுவதுடன், பாதுகாப்பு வேலிகள் பலப்படுத்தப்படுகின்றன. கூடுதலாக, ஒரு புதிய பவிலியன் கட்டிடமும் நிர்மாணிக்கப்பட உள்ளது. உலகளாவிய பாதுகாப்பு சூழ்நிலையை கருத்தில் கொண்டு மேற்கொள்ளப்படும் முன்னெச்சரிக்கை நடவடிக்கையாக இந்த பணிகள் பார்க்கப்படுகின்றன.

சில உள்ளூர் குடியிருப்பாளர்கள் கட்டுமான பணிகளால் இடையூறு ஏற்படும் என கவலை தெரிவித்துள்ளதாக ஊடகங்களில் செய்திகள் வெளியாகியுள்ளன. இருப்பினும், பெர்ன் நகர நிர்வாகம் இதுவரை எந்த அதிகாரப்பூர்வ எதிர்ப்பும் பதிவு செய்யப்படவில்லை என விளக்கியுள்ளது.

இந்த நிலையில், Kantonspolizei Bern தற்போது நகரிலுள்ள பல தூதரகங்களுக்கு பாதுகாப்பு வழங்குவதில் கடுமையான பணிச்சுமையை எதிர்கொண்டு வருவதாக தெரிவித்துள்ளது. உக்ரைன் மற்றும் காசா போர்கள், மேலும் ஈரானில் நிலவும் அரசியல் பதற்றம் ஆகிய காரணங்களால் ஐரோப்பா முழுவதும் பாதுகாப்பு முன்னெச்சரிக்கை நடவடிக்கைகள் அதிகரிக்கப்பட்டுள்ளன.

பெர்ன் நகரில் பல நாடுகளின் தூதரகங்கள் ஒன்றுக்கொன்று மிக அருகாமையில் அமைந்துள்ளன. இதனால் பாதுகாப்பு ஏற்பாடுகள் ஒருங்கிணைக்கப்படுவது முக்கிய அம்சமாக மாறியுள்ளது.  WRS