சென்ட்காலன் மாநிலம் Gossau பகுதியில் பாதசாரி கடவையில் விபத்து – பெண் படுகாயம்.!! சென்ட்காலன் மாநிலம் Gossau பகுதியில் ஏற்பட்ட விபத்தில் 57 வயதான பெண் படுகாயம் அடைந்து வைத்தியசாலையில் அனுமதிக்கப்பட்டள்ளார். குறித்த சம்பவம் தொடர்பில் மேலும் தெரியவருகையில் :-

புதன்கிழமை (01/11/2023), மாலை 5:30 மணிக்குப் பிறகு, St.Gallerstrasse இல் காரும் பாதசாரியும் மோதியதில் இந்த விபத்து ஏற்பட்டுள்ளதாக தெரியவருகின்றது. இச்சம்பவத்தில் 57 வயதான பெண் காயமடைந்து ஆம்புலன்ஸ் சேவை மூலம் மருத்துவமனைக்கு கொண்டு செல்லப்பட்டார்.

62 வயதான ஒருவர் தனது காரை St.Gallerstrasse இல் இருந்து Winkeln பகுதிக்கு தனது காரில் பயணித்துக்கொண்டிருக்கும் போதே விபத்து ஏற்பட்டுள்ளது. அவர் ஒரு ஷாப்பிங் சென்டரில் இடதுபுறம் திரும்ப எண்ணியபோதும், ட்ராபிக் சிக்னல் காரணமாக அவரால் செல்ல முடியாமல் போனதால், காரை நேராக முன்னோக்கி ஓட்டிச் சென்றார்.

இதன் போது ஷாப்பிங் சென்டர் இருக்கும் திசையில் உள்ள St.Gallerstrasse இல் இருக்கும் பாதசாரி கடவையைக் கடந்த 62 வயதுடையவரின் காருக்கும் 57 வயதுடைய பாதசாரியான அந்த பெண்ணுக்கும் இடையில் விபத்து ஏற்பட்டுள்ளது.

அந்த பெண் எதிர்பாராதவிதமாக காயமடைந்துள்ளதோடு, ஆம்புலன்ஸ் மூலம் மருத்துவமனைக்கு அழைத்துச் செல்ல வேண்டியிருந்தது. இவ்விபத்து சம்பவத்தினால் பல ஆயிரம் பிராங்க் மதிப்புள்ள சொத்துக்கள் சேதம் அடைந்துள்ளமை குறிப்பிடத்தக்கது.

மேலும் சுவிற்சர்லாந்தின் உள்ளுர் செய்திகள் முதல் அத்தனை விடயங்களையும் அறிந்து கொள்ள SwissTamil24.Com எமது இணையத்தளத்தினை தினமும் பார்வையிடுங்கள்.